આજકાલ લોકો ફ્લાઇટમાં મુસાફરી કરવાનું પસંદ કરે છે. મોટાભાગના લોકો ફ્લાઇટ દ્વારા લાંબા અંતરની મુસાફરી કરે છે. ફ્લાઇટમાં મુસાફરી કરતી વખતે નોંધ્યું હશે કે સેવા માટે મહિલાઓ છે. આને ફ્લાઇટ એટેન્ડન્ટ અને એર હોસ્ટેસ કહેવામાં આવે છે. પરંતુ શું જાણો છો કે જ્યારે કોમર્શિયલ ફ્લાઈટ્સ શરૂ થઈ ત્યારે મહિલાઓને ફ્લાઈટ એટેન્ડન્ટ તરીકે નોકરી આપવામાં આવતી ન હતી.

પ્રથમ કોમર્શિયલ ફ્લાઇટ
​​​​​​​

સૌ પ્રથમવાર  કોમર્શિયલ ફ્લાઈટ ક્યારે ઉપડી હતી. વિશ્વની પ્રથમ કોમર્શિયલ એરલાઈન સેવા 16 નવેમ્બર 1909ના રોજ શરૂ થઈ હતી. તેનું નામ ડોઇશ લુફ્ટ્સફાહર્ટ્સ-એક્ટિએન્જેસેલ્સશાફ્ટ હતું. આ એક જર્મન એરલાઇન હતી, જેનું હેડક્વાર્ટર ફ્રેન્કફર્ટમાં હતું. પરંતુ આ પછી સમગ્ર વિશ્વમાં કોમર્શિયલ એરલાઇન્સ ઝડપથી અસ્તિત્વમાં આવવા લાગી. પહેલા આ વિમાનોમાં યાત્રીઓ માટે પુરૂષ અટેન્ડન્ટ રાખવામાં આવતા હતા, તેમાં મહિલાઓને રાખવામાં આવતી નહોતી.

સ્ત્રીઓને એર હોસ્ટેસ તરીકે  રાખવાની શરૂઆત કેવી રીતે થઈ?

ફ્લાઈટ એટેન્ડન્ટની નોકરી માટે એક નર્સે પોતાના શબ્દોથી એક એરલાઈન કંપનીને પ્રભાવિત કરી હતી. તે નર્સે જણાવ્યું હતું કે કેવી રીતે નર્સ હવાઈ મુસાફરો માટે શ્રેષ્ઠ ફ્લાઇટ એટેન્ડન્ટ બની શકે છે. આ પછી આ આઈડિયા એટલો હિટ થયો કે ફ્લાઈટમાં નર્સ એર હોસ્ટેસ બની ગઈ.

પ્રથમ મહિલા એર હોસ્ટેસ કોણ હતી? પહેલી મહિલા નર્સ એર હોસ્ટેસ 25 વર્ષની એલેન ચર્ચ હતી. એલનના કામથી પ્રભાવિત થઈને કંપનીએ એરક્રાફ્ટમાં નર્સ એર હોસ્ટેસની સંખ્યા વધારી દીધી. આ જ કારણ છે કે આજે પણ મહિલાઓ ફ્લાઇટમાં એર હોસ્ટેસ છે.

એર હોસ્ટેસનો ડ્રેસ

1930માં પહેલી એર હોસ્ટેસનો ડ્રેસ નર્સ જેવો હતો. આજે પણ ઘણી એરલાઈન્સમાં એર હોસ્ટેસને નર્સ જેવા જ ડ્રેસ પહેરતા જોઈ શકો છો. તે સમયે એર હોસ્ટેસનો પગાર દર મહિને 125 ડોલર એટલે કે અંદાજે રૂ. 10,500 હતો. તે સમયે આ પગાર ઘણો સારો માનવામાં આવતો હતો. હવે ભારતમાં એર હોસ્ટેસનો પ્રારંભિક પગાર 50 હજારથી 80 હજારની વચ્ચે છે અને ભથ્થા પણ અલગથી ઉપલબ્ધ છે. તે જ સમયે આંતરરાષ્ટ્રીય ફ્લાઇટ્સ પર મુસાફરી કરતી એર હોસ્ટેસનો પગાર વધારે છે. જો કે જુદી જુદી એરલાઈન્સમાં ક્રૂ અને એર હોસ્ટેસનો પગાર અલગ-અલગ હોય છે.