'યે રિશ્તા ક્યા કહેલાતા હૈ'માં અક્ષરાનું પાત્ર ભજવીને બધાનું દિલ જીતનાર હિના ખાન અત્યારે ખૂબ જ ખરાબ સમયમાંથી પસાર થઈ રહી છે. અભિનેત્રી બ્રેસ્ટ કેન્સરના ત્રીજા સ્ટેજથી પીડિત છે. જોકે, તે હિંમતથી આગળ વધી રહી છે અને આ ખતરનાક બીમારી સામે બહાદુરીથી લડી રહી છે. તાજેતરમાં, અભિનેત્રીએ તેની પહેલી કીમોથેરાપી કરાવી હતી, ત્યારબાદ તેણે તેના લાંબા વાળ કાપી નાખ્યા હતા. કીમોથેરાપી પછી, અભિનેત્રીના શરીર પર ઘણા ઘા હતા, જેની એક ઝલક તેણે તાજેતરમાં ચાહકોને બતાવી હતી.

હાલમાં જ હીના ખાને એક નવો વીડિયો શેર કર્યો છે, જેમાં તે નકલી વાળ એટલે કે વિગ પહેરીને ખૂબ જ સુંદર લુકમાં જોવા મળી રહી છે. હિના ખાન પ્રથમ કીમો સેશન પછી કામ પર પરત ફરી છે. આ વીડિયોમાં હિના શૂટિંગ પર જવા માટે તૈયાર થતી જોવા મળી રહી છે. આ સમય દરમિયાન હિનાએ પોતાના ટૂંકા વાળને છુપાવવા માટે વિગનો સહારો લીધો છે. 

વીડિયોમાં હિના ખાન યોગ્ય મેકઅપમાં જોઈ શકાય છે. આ દરમિયાન, હિનાની સ્ટાઈલિશ પણ તેના ગળા પાસેના ઊંડા ઘાને ટેપ વડે છુપાવતી જોવા મળે છે. જ્યારે સ્ટાઇલિશ એક્ટ્રેસ ઘા ઢાંકવાની કોશિશ કરે છે ત્યારે હિના ખાનને દુખાવો થવા લાગે છે. જો કે, હિનાએ હજી પણ તેના ચહેરા પરથી સ્મિત ગાયબ થવા દીધું નથી. વીડિયોમાં હિના ખાન જોઈ શકાય છે કે તે ખૂબ જ ખુશ છે અને બીમારીનો સામનો કરવામાં મજબૂત રીતે ઊભી છે.