ગેરકાયદેસર મદરેસાના ડીમોલેશન માટે ગયેલી ટીમ પર કરાયો હતો હુમલો, સરકારી મિલકતોને નુકસાન પહોંચાડવા બદલ ૧૫ તારીખ સુધીમાં ભરપાઇ કરવાનો આદેશ
ઉત્તરાખંડમાં હલ્દવાની મ્યુનિસિપલ કોર્પોરેશને હિંસાના મુખ્ય આરોપી અબ્દુલ મલિક વિરુદ્ધ સરકારી મિલકતોને નુકસાન પહોંચાડવા બદલ ૨ કરોડ ૪૪ લાખ રૂપિયાની વસૂલાત નોટિસ જારી કરી છે. મ્યુનિસિપલ કમિશનર દ્વારા જારી કરાયેલી નોટિસમાં કહેવામાં આવ્યું છે કે મલિકના સમર્થકોએ 'મલિક કા બગીચા'માં ગેરકાયદેસર રીતે બાંધવામાં આવેલી બે ઈમારતોને તોડવા ગયેલી વહીવટી ટીમ પર હુમલો કરીને મ્યુનિસિપલ કોર્પોરેશનની મિલકતોને નુકસાન પહોંચાડ્યું હતું.
મહાનગરપાલિકા દ્વારા નોટિસ મોકલવામાં આવી છે. તેમાં ૮ ફેબ્રુઆરીએ ઘટનાના દિવસે નોંધાયેલી એફઆઈઆરનો પણ ઉલ્લેખ છે, જેમાં અબ્દુલ મલિકનું નામ આપવામાં આવ્યું છે. મલિક દ્વારા કથિત રીતે થયેલા નુકસાનનું પ્રાથમિક મૂલ્યાંકન રૂ. ૨.૪૪ કરોડ હોવાનું જણાવતા, મ્યુનિસિપલ કોર્પોરેશને તેમને આ રકમ ૧૫ ફેબ્રુઆરી સુધીમાં મ્યુનિસિપલ કોર્પોરેશન, હલ્દવાનીમાં જમા કરાવવા જણાવ્યું છે. નોટિસમાં કહેવામાં આવ્યું છે કે જો આમ નહીં કરવામાં આવે તો કાયદાકીય માધ્યમથી તેની પાસેથી વસૂલાત કરવામાં આવશે.
હિંસાના મુખ્ય આરોપી અબ્દુલ મલિકે કથિત રીતે સરકારી જમીન પર ગેરકાયદેસર મદરેસા અને નમાઝની જગ્યા બનાવી હતી, જ્યારે પ્રશાસનની ટીમ તેને તોડવા પહોંચી ત્યારે ત્યાં હિંસા ફાટી નીકળી હતી. ૮ ફેબ્રુઆરીના રોજ ફાટી નીકળેલી હિંસામાં બદમાશોએ વહીવટી કર્મચારીઓ પર પથ્થરમારો કર્યો હતો અને વાહનોને સળગાવી દીધા બાદ બાનભૂલપુરા પોલીસ સ્ટેશનને પણ સળગાવી દીધું હતું. આ દરમિયાન અહીં મોટાપાયે હિંસા જોવા મળી હતી. સેંકડો વાહનોને આગ ચાંપી દેવામાં આવી હતી. ઘટના દરમિયાન પોલીસે બળપ્રયોગ પણ કર્યો હતો.
હિંસામાં ૬ લોકો માર્યા ગયા હતા અને પોલીસકર્મીઓ અને પત્રકારો સહિત ૧૦૦થી વધુ લોકો ઘાયલ થયા હતા. સીએમ ધામીએ પહેલા જ આરોપીઓને હિંસામાં થયેલા નુકસાનની ભરપાઈ કરવાની સૂચના આપી દીધી હતી, ત્યારબાદ હવે મુખ્ય આરોપીને ૨.૪૪ કરોડ રૂપિયાના જંગી નુકસાનની નોટિસ આપવામાં આવી છે.
લાઈક અને ફોલો કરો અમારું ફેસબુક પેજ FACEBOOK - AAJKAALDAILY
ફોલો કરો અમારું ઇન્સ્ટાગ્રામ INSTAGRAM - AAJKAALDAILY
સબસ્ક્રાઈબ કરો અમારી યૂ ટ્યૂબ ચેનલ YOUTUBE - AAJKAALDAILY
મહત્વના સમાચારો આપના મોબાઇલમા મેળવવા માટે જોડાઓ અમારા વોટ્સએપ ગ્રૂપમાં 99251 12230
View News On Applicationઇઝરાયેલમાં અંધાધૂંધ ગોળીબારમાં મહિલાનું મોત, અનેક ઘાયલ
October 06, 2024 08:27 PMIND W vs PAK W: ભારતીય ટીમે પાકિસ્તાનને 6 વિકેટથી હરાવ્યું
October 06, 2024 08:25 PMનરેન્દ્ર મોદીના નેતૃત્વ અને માર્ગદર્શનમાં ગુજરાતની વણથંભી વિકાસ યાત્રાના સફળ 23 વર્ષ પૂર્ણ
October 06, 2024 07:01 PMCopyright © 2023-2024 Aajkaal Daily
Developed by Rhythm Infotech