અવકાશમાંથી પણ આપણને ઘણા પ્રકારના જોખમોનો સામનો કરવો પડી શકે છે. જેમાં અન્ય ગ્રહો, એસ્ટરોઇડ્સ અથવા ઉલ્કાઓના ખતરનાક અને જીવલેણ સુક્ષ્મસજીવો પણ હોઈ શકે છે. મંગળ જેવા ગ્રહ પરથી આવતા સુક્ષ્મકણો માટે આ આશંકા વધુ વ્યક્ત કરવામાં આવે છે. હવે નાસા આવા જોખમોનો સામનો કરવા માટે અબજો ડોલર ખર્ચવાની તૈયારી કરી રહ્યું છે.

એસ્ટ્રોબાયોડિફેન્સ ફોર્સ લાલ ગ્રહ પરથી આવતા નમૂનાઓ દ્વારા સંભવિત જોખમોનો સામનો કરવા માટે સંપૂર્ણ રીતે સક્ષમ હશે. નાસા અવકાશ સુરક્ષામાં વ્યાપક ફેરફારનો મુસદ્દો તૈયાર કરવા જઈ રહ્યું છે, જેના માટે અબજો ડોલરનો ખર્ચ થશે. તાજેતરના માર્સ સેમ્પલ રિટર્ન ઈન્ડિપેન્ડન્ટ રિવ્યુ બોર્ડે પુષ્ટિ કરી છે કે ચેપને રોકવા માટે પગલાં લેવા જોઈએ.

લાલ ગ્રહની સપાટી પરથી લેવામાં આવેલા નમૂનાઓએ કેટલાક વિવાદોનો સામનો કરવો પડ્યો છે કારણ કે જાહેર સંસ્થાઓએ ચેતવણી આપી છે કે તે પદાર્થો સાથે સંકળાયેલા પર્યાવરણીય સૂક્ષ્મજીવાણુઓ આપણા ગ્રહ પર વ્યાપકપણે ફેલાય છે. કોઈપણ સંભવિત જૈવિક પરિવર્તનનો સામનો કરવા માટે બાયોડિફેન્સ પર દ્વિપક્ષીય કમિશનની સ્થાપના કરવામાં આવી છે.

ડેમોક્રેટિક કોંગ્રેસવુમન ડોના શલાલા અને ભૂતપૂર્વ યુ.એસ. એટર્ની અને રિપબ્લિકન કોંગ્રેસવુમન સુસાન બ્રૂક્સ હવે આ નમૂનાઓને પરત લાવવાના જોખમો વિશે ચેતવણી આપી રહ્યા છે, તેઓએ એક સંયુક્ત નિવેદનમાં ચેતવણી આપી છે કે અવકાશ સંશોધન આપણા સમયના કેટલાક સૌથી મોટા પડકારોનું પ્રતિનિધિત્વ કરે છે. પરંતુ જેમ જેમ આપણે આગળ વધીએ છીએ તેમ, આપણે આપણી જાતને નવા અને અણધાર્યા જોખમોને પણ નોતરું આપીએ છીએ.