યુએસના ભૂતપૂર્વ રાષ્ટ્રપતિ ડોનાલ્ડ ટ્રમ્પ અમેરિકાની ગુપ્ત ફાઈલો (ક્લાસિફાઈડ ડોક્યુમેન્ટ્સ કેસ) ઘરે લઈ જવાના સંબંધમાં મંગળવારે મોડી રાત્રે ફ્લોરિડા રાજ્યની મિયામી કોર્ટમાં હાજર થયા હતા. ટ્રમ્પને સિક્રેટ ડોક્યુમેન્ટ્સ કેસ સાથે સંબંધિત 37 કેસ માટે કસ્ટડીમાં લેવામાં આવ્યા હતા. અહેવાલો અનુસાર, મિયામી કોર્ટમાં ટ્રમ્પના ફિંગરપ્રિન્ટ્સ રેકોર્ડ કરવામાં આવ્યા હતા. સુનાવણી દરમિયાન ટ્રમ્પે તમામ આરોપોનો સામનો કર્યો અને પોતે નિર્દોષ જોવાનું કહ્યું હતું.

ડોનાલ્ડ ટ્રમ્પના વકીલ ટોડ બ્લેન્ચે સુનાવણી દરમિયાન કોર્ટને કહ્યું – “અમે દોષિત ન હોવાની દલીલ કરી રહ્યા છીએ.” કોર્ટમાં સુનાવણી ચાલી રહી હતી ત્યારે ટ્રમ્પના સમર્થકો કોર્ટ પરિસરની બહાર એકઠા થયા હતા અને સૂત્રોચ્ચાર કર્યા હતા. કેટલાકે બેઝબોલ કેપ પહેરેલી હતી જેના પર “મેક અમેરિકા ગ્રેટ અગેન” લખેલું હતું. ટ્રમ્પના આ સમર્થકોએ રાષ્ટ્રપતિ જો બાઈડેન વિરુદ્ધ સૂત્રોચ્ચાર કર્યા હતા.

ટ્રમ્પ સામેના આરોપોમાં મહત્તમ 10 વર્ષની સજા થઈ શકે છે. યુએસ જસ્ટિસ ડિપાર્ટમેન્ટે ગયા શુક્રવારે ડોનાલ્ડ ટ્રમ્પ સામેના આરોપોને સાર્વજનિક કર્યા હતા. તેમની સામે 49 પાનામાં આરોપ ઘડવામાં આવ્યા હતા. તેમાં રાષ્ટ્રીય સુરક્ષાને જોખમમાં મૂકવા, પરમાણુ અને સંરક્ષણની ફાઈલો ખોટી રીતે રાખવાના આરોપો સામેલ છે. સુનાવણી પહેલા ટ્રમ્પે જ્યોર્જિયામાં પોતાના સમર્થકોને કહ્યું કે સરકાર તેમને ષડયંત્રમાં ફસાવી રહી છે. ડોનાલ્ડ ટ્રમ્પે આરોપ લગાવ્યો હતો કે તેમને ‘ભ્રષ્ટ બાઈડેન એડમિનિસ્ટ્રેશન’ દ્વારા તેમણે ફસાવવામાં આવ્યા છે. આવતા વર્ષે યોજાનારી ચૂંટણીને ધ્યાનમાં રાખીને તેમના પર આ કેસ કરવામાં આવી રહ્યો છે.

સુત્રોના જણાવ્યા મુજબ ચાર્જશીટમાં કહેવામાં આવ્યું છે કે ગયા વર્ષે FBIએ ટ્રમ્પ પાસેથી 337 સરકારી દસ્તાવેજો રિકવર કર્યા હતા. આમાંથી 21 દસ્તાવેજો ટોપ સિક્રેટ હતા. આ એવા દસ્તાવેજો છે જેમાં અત્યંત સંવેદનશીલ માહિતી છાપવામાં આવી છે.

49 પાનાની ચાર્જશીટમાં કહેવામાં આવ્યું છે કે ટ્રમ્પે આ દસ્તાવેજો તેમના બાથરૂમ, બોલરૂમ, શાવર એરિયા, ઓફિસ, સ્ટોર રૂમ અને બેડરૂમમાં છુપાવ્યા હતા. પ્રોસિક્યુટર્સે એમ પણ કહ્યું હતું કે ટ્રમ્પે એફબીઆઈની તપાસમાં અવરોધ ઊભો કરવા માટે તેમના વકીલોને ફાઇલો છુપાવવા અથવા તેનો નાશ કરવાનો આદેશ આપ્યો હતો.