મોરબી શહેરમાં રહેતી સગીરાનું અપહરણ કરી દુષ્કર્મ આચરવાનો ગુનો નોધાયો હોય જે અંગેનો કેસ મોરબીની સ્પેશ્યલ પોક્સો કોર્ટમાં ચાલી જતા કોર્ટે આરોપીને કસુરવાન ઠેરવી ૧૨ વર્ષની સખ્ત કેદની સજા અને દંડ ફટકારતો હુકમ કર્યો છે.
​​​​​​​
તા. ૧૭-૦૪-૨૦૧૪ ના રોજ ફરિયાદીની સગીર વયની દીકરીને આરોપી લલચાવી ફોસલાવી બદકામ કરવાના ઈરાદે ભગાડી ગયો હતો જેી એ ડીવીઝન પોલીસે અપહરણનો ગુનો નોધી તપાસ ચલાવી હતી અને ભોગ બનનાર મળી આવતા આરોપીએ શરીર સંબંધ બાંધ્યાનું ખુલતા પોલીસે આઈપીસીની કલમ ૩૭૬ અને પોક્સો એક્ટનો ઉમેરો કર્યો હતો જેી પોલીસે આરોપી રમેશ ઉર્ફે રાજેશ ઉર્ફે મુન્નો ઉર્ફે સિંધુ નાનજીભાઈ ચાવડાને ઝડપી લીધો હતો
જે કેસ સ્પેશ્યલ (પોક્સો) જજ અને એડીશનલ સેશન્સ જજની કોર્ટ, મોરબીમાં ચાલી જતા મદદનીશ સરકારી વકીલ સંજય સી દવે અને નીરજ ડી કારીઆએ કોર્ટમાં ૧૩ મૌખિક પુરાવા અને ૩૪ દસ્તાવેજી પુરાવાઓ રજુ કર્યા હતા અને ધારદાર દલીલો કરી આરોપીને કડક સજા કરવાની માંગ કરી હતી જેને ધ્યાને લઈને સ્પેશ્યલ પોક્સો કોર્ટે આરોપીને કસુરવાન ઠેવ્યો હતો કોર્ટે રમેશ ઉર્ફે રાજેશ ઉર્ફે મુન્નો ઉર્ફે સિંધુ નાનજીભાઈ ચાવડાને આઈપીસી કલમ ૩૬૩ ના ગુનામાં ૫ વર્ષની સખ્ત કેદની સજા અને ૫૦૦૦ દંડ, આઈપીસી કલમ ૩૬૬ ના ગુનામાં ૭ વર્ષની સખ્ત કેદની સજા અને ૭ હજાર રૂપિયા દંડ તેમજ દુષ્કર્મ અને પોક્સો એક્ટ મુજબના ગુનામાં ૧૨ વર્ષની સખ્ત કેદની સજા અને રૂ ૧૦ હજાર દંડ ફટકાર્યો છે આરોપીને કરવામાં આવેલ તમામ સજા એકસો ભોગવવાનો હુકમ કર્યો છે તેમજ જેલમાં કાચા કામના કેદી તરીકે વિતાવેલ સમય સજામાં મજરે આપવાનો કોર્ટે હુકમ કર્યો છે તેમજ ભોગ બનનારને વળતર માટેની યોજના મુજબ રૂ ૨,૬૨,૫૦૦ અને આરોપી જે દંડની રકમ રૂ ૨૨,૦૦૦ ભરે તેના સહીત કુલ રૂ ૨,૮૪,૫૦૦ નું વળતર ચુકવવા આદેશ કર્યો છે.