દેશની સૌથી મોટી સરકારી બેંક સ્ટેટ બેંક ઓફ ઈન્ડિયા (SBI) એ MCLR રેટમાં વધારો કર્યો છે. MCLR 8.85%થી વધીને 8.95% થયો છે. નવા દરો 15 ઓગસ્ટ, 2024થી અમલમાં આવ્યા છે. MCLR વધવાને કારણે હવે બેંક પાસેથી લોન લેવી મોંઘી થશે. એટલું જ નહીં, હવે તમારે હોમ લોન, કાર લોન અને એજ્યુકેશન લોન માટે વધુ EMI ચૂકવવી પડશે. જેની સીધી અસર ગ્રાહકોના ખિસ્સા પર પડશે.

અહીં ગણિત સમજો

ધારો કે, તમે 10,00,000 રૂપિયાની લોન લેવા જઈ રહ્યા છો, જેનો કાર્યકાળ 10 વર્ષ એટલે કે 120 મહિનાનો છે અને સ્પ્રેડ 1% છે. અમે બે પરિસ્થિતિઓમાં EMIની ગણતરી કરીશું. પ્રથમ MCLR 8.85% અને બીજી MCLR 8.95%. પછી આપણે જોઈશું કે શું અસર જોવા મળે છે.

MCLR 8.85% (વ્યાજ દર 9.85%)

 સ્પ્રેડ 1% (લોન સ્પ્રેડ એ વધારાના વ્યાજ દર છે જે MCLR દરમાં ઉમેરવામાં આવે છે)

 કુલ વ્યાજ દર- 8.85% + 1% = 9.85%

 માસિક વ્યાજ દર- 9.85% / 12 = 0.008208

 આના પર EMIની ગણતરી કરવા પર, 13,227 રૂપિયાની EMI MCLR 8.85% પર ચૂકવવી પડશે.

MCLR 8.95 પર વ્યાજ દર

 MCLR- 8.95%

 સ્પ્રેડ- 1%

 કુલ વ્યાજ દર- 8.95% + 1% = 9.95%

 માસિક વ્યાજ દર 9.95% / 12 = 0.008292

આના પર EMIની ગણતરી કરવા પર, 13,318 રૂપિયાની EMI MCLR 8.85% પર ચૂકવવી પડશે.

જો MCLR 8.85% થી વધીને 8.95% થાય છે, તો તમારા EMIમાં લગભગ રૂ. 91નો તફાવત આવશે. આમ, 0.10%નો વધારો MCLR પર તમારા EMIને અસર કરે છે, અને તમારે દર મહિને વધુ ચૂકવણી કરવી પડશે.

આ બેંકોએ પણ વ્યાજમાં કર્યો વધારો

SBI દ્વારા MCLRમાં વધારો કરતા પહેલા, ઘણી બેંકોએ તેમના MCLRમાં ફેરફાર કર્યા છે અને તેમના નવા દરો પણ આ મહિનાથી લાગુ થઈ ગયા છે. જો આ યાદીમાં સામેલ બેંકોની વાત કરીએ તો તેમાં બેંક ઓફ બરોડા, કેનેરા બેંક અને યુકો બેંકનો સમાવેશ થાય છે.