જિલ્લા ભાજપ અઘ્યક્ષ રમેશભાઇ મુંગરાએ પહેરાવાયો ખેસ

જામનગર તાલુકાના અલીયા ગામના કોંગ્રેસના યુવા આગેવાનોએ જિલ્લા ભાજપ અઘ્યક્ષ રમેશભાઇ મુંગરાની ઉપસ્થિતિમાં મોદીજીના પરિવારમાં જોડાઇ કેશરીયા કરતા ૭૭-જામનગર વિધાનસભામાં કોંગ્રેસના ગઢમાં મોટું ગાબડું છે. જિલ્લા ભાજપ કાર્યાલય ખાતે આહિર સમાજ, લુહાર, લઘુમતી, દલિત સહિત ૧ર૧ જેટલા યુવાનો વડાપ્રધાન નરેન્દ્રભાઇ મોદીજીની રાષ્ટ્રપ્રેમી કાર્યશૈલીથી પ્રભાવીત થઇ જીલ્લા કાર્યાલય મંત્રી પ્રકાશભાઇ હરીયાણી, હરીશચંદ્રસિંહ જાડેજા, બટુકભાઇ ટોયટા, મનોજભાઇ રામાવત, કનુભાઇ મકવાણાની આગેવાનીમાં ભાજપના જોડાયા હતા. જેમાં અલ્પેશ મકવાણા (પૂર્વ મહામંત્રી, તાલુકા કોંગ્રેસ), રમેશભાઇ મકવાણા, બસીર મલેક, અસલમ દોસાણી, હસુભાઇ પરમાર, હિરેન વડગામા, ભીખુભાઇ ડાંગર, ઉદય પંડ્યા, માનવ નંદાસણા ટેકેદારો વિધિવત ભાજપમાં સામેલ થયા છે.
જિલ્લા ભાજપ અઘ્યક્ષ રમેશભાઇ મુંગરાએ યુવાન કાર્યકરોને ખેસ પહેરાવી, આવકાર આપેલ અને રાષ્ટ્ર નિર્માણ માટે સહયોગ કરવા અપીલ કરેલ. આ પ્રસંગે લોકસભા સંયોજક ડો. વિનોદ ભંડેરી, કાર્યાલય મંત્રી પ્રકાશભાઇ હરીયાણી ઉપસ્થિત રહેલ હોવાનું મીડીયા સેલ ક્ધવીનર નરેન્દ્રસિંહ પરમારની યાદીમાં જણાવાયું છે.