એક મોટી કાર્યવાહીમાં, મુંબઈ ક્રાઈમ બ્રાન્ચે નકલી દક્ષિણ કોરિયન વિઝા રેકેટ ચલાવવા બદલ નેવલ ઓફિસરની ધરપકડ કરી છે. મળતી માહિતી મુજબ, જે વ્યક્તિની ધરપકડ કરવામાં આવી છે તે લેફ્ટનન્ટ કમાન્ડર રેન્કનો અધિકારી છે. ધરપકડ કરાયેલા અધિકારી પર નકલી દસ્તાવેજો પર લોકોને વિદેશ મોકલવામાં સામેલ હોવાનો પણ આરોપ છે. આ માટે લાખો રૂપિયા પણ લેવામાં આવ્યા હતા. 

મળતી માહિતી મુજબ, નેવીના લેફ્ટનન્ટ કમાન્ડર રેન્કના અધિકારીની કથિત રીતે રેકેટ ચલાવવાના આરોપમાં ધરપકડ કરવામાં આવી હતી. આ રેકેટ બનાવટી દસ્તાવેજો પર લોકોને દક્ષિણ કોરિયા જવા માટે મદદ કરતું હતું. મુંબઈ ક્રાઈમ બ્રાન્ચને નકલી દસ્તાવેજો પર લોકોને વિદેશ મોકલનારા રેકેટમાં નેવીના એક અધિકારીની સંડોવણી હોવાની માહિતી મળી હતી. પોલીસને જાણવા મળ્યું હતું કે સંબંધિત અધિકારી તેના યુનિફોર્મમાં સાઉથ કોરિયન એમ્બેસીની મુલાકાત લઈ શકે છે જેથી વિઝા અરજીઓ ઝડપી થઈ શકે.

તેણે લોકોને સાઉથ કોરિયામાં કામની તકોનું વચન આપ્યું હતું અને વિઝાની જરૂરિયાતો પૂરી કરવા માટે નકલી દસ્તાવેજો આપ્યા હતા. મુંબઈ ક્રાઈમે આ રેકેટ સાથે સંકળાયેલા અધિકારીની પૂછપરછ કરી તો તેણે પોતાનો ગુનો કબૂલી લીધો. અધિકારીએ 8 થી 10 લોકોને સાઉથ કોરિયામાં પ્રવાસની સુવિધા આપવાનું કબૂલ્યું છે. અધિકારીએ એમ પણ કહ્યું છે કે તે આ સમગ્ર પ્રક્રિયા માટે દરેક વ્યક્તિ પાસેથી 10 લાખ રૂપિયા વસૂલતો હતો.