અન્ય ઋતુઓની સરખામણીમાં ઉનાળામાં સ્વાસ્થ્ય સારું જાળવવા માટે ઘણી સાવચેતી રાખવી પડે છે. આપણી કેટલીક આદતો સ્વાસ્થ્ય માટે હાનિકારક હોય છે. આવી જ એક આદત છે લાંબા સમય સુધી મોજાં પહેરવાની. ઘણા લોકો શાળાએ જવાથી લઈને ઓફિસમાં કામ કરવા માટે ઘણા કલાકો સુધી મોજા પહેરે છે. આવું કરવું શરીર માટે હાનિકારક છે. જો તમે ઉનાળાની ઋતુમાં લાંબા સમય સુધી મોજાં પહેરો છો તો તમારી આ આદતને બદલો, નહીં તો તમારે ઘણા જોખમોનો સામનો કરવો પડી શકે છે.

ઘણા લોકો સસ્તા અને નબળી ગુણવત્તાવાળા મોજાં પહેરે છે. જેના કારણે પગની ત્વચાને નુકસાન થવાનો ભય રહે છે. જો તમે ઉનાળાની ઋતુમાં સતત મોજાં પહેરો છો તો તમારા પગ પર પરસેવો આવવા લાગે છે. ભેજમાં વધારો ફંગલ ચેપનું કારણ બની શકે છે. જેના કારણે પગની ત્વચા સંપૂર્ણપણે ખરાબ થઈ શકે છે.

 
વધુ પડતા ટાઈટ મોજાં પહેરવાથી પગમાં સોજો આવી શકે છે. આનાથી પગમાં લોહીનું પરિભ્રમણ ઓછું થાય છે. જેના કારણે વ્યક્તિ બેચેની અને અતિશય ગરમી અનુભવવા લાગે છે. જો તમે સવારથી રાત સુધી મોજાં પહેરવાનું રાખો છો, તો તમને પગ જકડાઈ જવાની સમસ્યાનો પણ સામનો કરવો પડી શકે છે. હીલ અને અંગૂઠાનો વિસ્તાર પણ સુન્ન થઈ શકે છે.

પગમાં નીકળતા પરસેવાને મોજાં શોષી લે છે. આવી સ્થિતિમાં, જો લાંબા સમય સુધી એક જ મોજાં પહેરવાથી પરસેવો સંપૂર્ણપણે સુકાઈ ન જાય, તો મોજાંમાં બેક્ટેરિયા અને વાયરસ વધે છે, જે ફંગલ ઇન્ફેક્શન સહિતની ઘણી સમસ્યાઓનું કારણ બની શકે છે. જો ખૂબ ટાઈટ મોજાં લાંબા સમય સુધી પહેરવામાં આવે તો વેરિસોઝ વેઈન્સની સમસ્યા થઈ શકે છે. જે લોકોને આ બીમારી પહેલાથી જ છે તેમણે મોજાં પહેરતી વખતે ખાસ કાળજી લેવી જોઈએ નહીંતર સ્થિતિ ગંભીર બની શકે છે. જો કે, કોઈપણ સૂચનને અમલમાં મૂકતા પહેલા, સંબંધિત નિષ્ણાતની સલાહ લેવી જરૂરી છે.