સામાન્ય રીતે, જ્યારે બાળકો જન્મે છે, ત્યારે તેમને દાંત હોતા નથી. દાંત આવવાની શરૂઆત બે થી ત્રણ વર્ષની ઉંમરે થાય છે અને બધા દાંત દેખાવામાં ઘણા વર્ષો લાગે છે. પરંતુ જો બાળકના બધા દાંત જન્મ સમયે હાજર હોય તો શું? આ સ્થિતિ વિશે લોકોમાં જાગૃતિ ફેલાવવાના હેતુથી એક વાયરલ વીડિયો શેર કરવામાં આવ્યો છે. જેમાં એક મહિલાએ પોતાની નવજાત પુત્રીની પણ આવી જ હાલતનો ઉલ્લેખ કર્યો છે. આ અંગે લોકોએ મિશ્ર પ્રતિભાવો આપ્યા છે. કેટલાક લોકોએ વખાણ કર્યા છે તો કેટલાક લોકોએ તેને ગંભીરતાથી લેવાનું કહ્યું છે.

વીડિયોમાં મહિલાએ તસવીરોના સ્લાઈડ શો સાથે વીડિયો પર લખ્યું છે કે તેની પુત્રીનો જન્મ સંપૂર્ણ દાંત સાથે થયો છે. અને તે આ સ્થિતિ વિશે જાગૃતિ ફેલાવવાના હેતુથી આ બધું કરી રહી છે. લોકોએ આ વીડિયો પર ઘણી કોમેન્ટ્સ પણ કરી છે. કેટલાક લોકોને બાળકીનું સ્મિત ખૂબ પસંદ આવ્યું તો કેટલાકને છોકરી ડરામણી લાગી.

ઈન્સ્ટાગ્રામ પર શેર કરાયેલા આ વીડિયોમાં ઘણા લોકોએ તેને ગંભીરતાથી લેવાનો આગ્રહ કર્યો છે અને કહ્યું છે કે આ કોઈ મજાક નથી. કેટલાક લોકોએ માતા પ્રત્યે સહાનુભૂતિ વ્યક્ત કરવાનો પ્રયાસ પણ કર્યો છે. એક યુઝરે તો ત્યાં સુધી કહ્યું કે તેને વાસ્તવમાં સ્ટીવ હાર્વે કન્ડિશન કહેવામાં આવે છે. આ વીડિયોને અત્યાર સુધીમાં 2.96 કરોડ લોકો જોઈ ચૂક્યા છે.

જો કે આ સ્થિતિને ઘણા નામોથી ઓળખવામાં આવે છે, સામાન્ય નામ નેટલ ટીથ અથવા બેબી ટીથ છે. આના ઘણા કારણો હોઈ શકે છે. શરૂઆતમાં તેનાથી નવજાત શિશુને કોઈ પ્રકારની સમસ્યા થતી નથી, પરંતુ તેના કારણે માતાને બાળકને ખવડાવવામાં મુશ્કેલીનો સામનો કરવો પડે છે.