વિપક્ષના પીએમ ફેસ બનવાથી લઈ બીજેપીના સાઈડિક બન્યા હોવાનો લોકોનો દાવો : નીતિશ કુમાર હાથમાં ભાજપનું સિમ્બોલ રાખી સાઇડમાં ઊભા રહેતા લોકોએ ખીલ્લી ઉડાવી 

બિહારના મુખ્ય પ્રધાન નીતિશ કુમાર, ગતરોજ વડા પ્રધાન નરેન્દ્ર મોદીની બાજુમાં ઊભા હતા કારણ કે તેમણે બિહારની રાજધાની પટનામાં લોકસભા ચૂંટણી 2024 માટે પ્રચાર દરમિયાન એક વિશાળ રોડ-શો યોજ્યો હતો. "ધ મોદી શો" નામના પટના કાર્યક્રમની સામાજિક મીડિયામાં  સખત ટીકા થઈ છે. 

ઈવેન્ટના એક વીડિયો ફૂટેજમાં જોવા મળે છે કે નીતિશ કુમાર સિવાય ડેપ્યુટી સીએમ અને રાજ્ય ભાજપના અધ્યક્ષ સમ્રાટ ચૌધરી અને સ્થાનિક સાંસદ રવિશંકર પ્રસાદ પણ પીએમ મોદીની બાજુમાં બેઠા હતા. તદુપરાંત, રાજ્યમાં ચૂંટણી પ્રચાર કરતી વખતે નીતિશ કુમારે બીજેપીનું ચિહ્ન પકડી રાખ્યું હતું. પીએમએ ફૂલોથી શણગારેલા અને કેસરી રંગમાં રંગાયેલા વાહનમાં લગભગ દોઢ કિલોમીટરનું અંતર કાપ્યું હતું. 

બિહારના મુખ્ય પ્રધાન નીતીશ કુમાર, જેમની જેડી(યુ) એનડીએ ભાગીદાર છ. નીતીશ કુમાર પીએમ મોદીની સાથે ઊભા રહેતા એક યુઝરે કહ્યું કે, "નીતીશ કુમાર આ અપમાનને લાયક છે." સોશિયલ મીડિયા પર નેટીઝન્સ મીમ્સ, જોક્સ અને ટીકા સાથે પ્રતિક્રિયા આપી રહ્યા છે. અન્ય યુઝર્સે નોંધ્યું હતું કે, "વિપક્ષ માટે  પીએમ ફેસ બનવાથી લઈને ભાજપ પાર્ટીનું સિમ્બોલ લઈને સાઈડકિક બનવા સુધીના નીતીશ કુમારના પતનનું સાક્ષી દરેક વ્યક્તિ છે."

અન્ય એક યુઝરે ટ્વીટ કર્યું, "મોદી તમામ પ્રાદેશિક નેતાઓ સાથે ગઠબંધન કર્યા પછી તેમને ખતમ કરવામાં નિષ્ણાત છે." તો અન્યએ ટિપ્પણી કરી કે, "નીતીશ બાબુને ઘૂઘરો પકડાવી દીધો" તો વધુ એક યુઝરે ટિપ્પણી કરી, “નીતીશ કુમારને ઈન્ડિયા ગઠબંધનમાં તમામ સન્માન મળ્યું. હવે તેમની હાલત જુઓ." 
બાજુના રાજ્ય પશ્ચિમ બંગાળમાં ચૂંટણી પ્રચારને સંબોધિત કર્યા બાદ પીએમ મોદી સાંજે પટના પહોંચ્યા હતા. એરપોર્ટ પર તેમનું સ્વાગત ડેપ્યુટી સીએમ વિજય કુમાર સિંહા, વિધાનસભા અધ્યક્ષ નંદ કિશોર યાદવ અને ભાજપના પ્રદેશ પ્રભારી મહામંત્રી ભીખુભાઈ દલસાનિયાએ કર્યું હતું.