કોઈ પ્રિય વ્યક્તિના મૃત્યુ પછી લોકો તેની યાદમાં કોઈને કોઈ સ્મૃતિચિહ્ન બનાવે છે, પરંતુ એક મહિલાએ તેના મિત્રની યાદમાં એક અનોખો શોખ વિકસાવ્યો છે. આજે તેની પાસે 1000 પોર્સેલિન ડોલ્સનું કલેક્શન છે. આજે સ્થિતિ એવી છે કે તેમનો મોટાભાગનો સમય આ સંગ્રહની સંભાળ રાખવામાં પસાર થાય છે. કલેક્શનની ખાસ વાત એ છે કે તે કહે છે કે આ શોખનો જન્મ હાર્ટબ્રેકમાંથી થયો હતો.

દક્ષિણ આફ્રિકાના વેરેનિગિંગના લિન એમડિન ઢીંગલીઓ રાખે છે, ચાર બાળકોની માતા આ ડોલ્સની સાર સંભાળમાં, તેમને કસ્ટમ-મેઇડ કપડાં પહેરાવવા અને તેમના પર પરફ્યુમ છાંટવામાં કલાકો ગાળે છે. લીન તેના પરિવારના ઓટો પાર્ટ્સ અને એસેસરીઝ બિઝનેસ માટે પણ કામ કરે છે. તેનો અને તેની ‘શી શેડ’નો આ શોખ સુરક્ષિત આશ્રયસ્થાન બની ગયો છે. લિનનો આ શોખ 20 વર્ષ પહેલા શરૂ થયો હતો જ્યારે મિત્ર માઈકલ ટોલ્મે તેને તેના જન્મદિવસ માટે રોઝ નામની પોર્સેલિન ઢીંગલી આપી હતી. બે મહિના પછી, માઈકલનું એક અકસ્માતમાં દુઃખદ અવસાન થયું.

તેણે કહ્યું કે માઈકલ તેના દીકરાનો સારો મિત્ર હતો. જ્યારે પણ તે રોઝને જુએ છે ત્યારે તેને માઈકલ યાદ આવે છે. ત્યારથી તેનો પોર્સેલિન ડોલ્સ પ્રત્યેનો પ્રેમ વધતો ગયો અને તેણે શક્ય હોય ત્યાં તેને એકત્રિત કરવાનું શરૂ કર્યું. ત્યારથી, આટલા વર્ષો સુધી અલગ અલગ શોપિંગ મોલ ઉપરાંત ફેસબુક માર્કેટપ્લેસમાંથી ઢીંગલીઓને ખરીદે છે.

લીન ચાર પુત્રોની માતા છે અને કેટલીકવાર તેણીને લાગે છે કે તેણીએ આ સંગ્રહ શરૂ કર્યો કારણ કે તેણીને પુત્રીઓ ન હતી. તેમના પુત્રો વધતા સંગ્રહને જોઈને ચિડાઈ જાય છે. પરંતુ લીનના 65 વર્ષીય પતિ રિક તેને પૂરો સાથ આપે છે. આ દંપતીને ખબર નથી કે તેઓએ સંગ્રહ માટે કેટલો ખર્ચ કર્યો છે.