ઓસ્ટ્રેલિયન સંશોધકોએ એઆઇની આડઅસરો ચકાસવા માટે કર્યા પ્રયોગ
ઑસ્ટ્રેલિયન સંશોધકોએ કૃત્રિમ બુદ્ધિમત્તા (એઆઇ) નો ઉપયોગ બહુવિધ ભાષાઓમાં ૧૦૦ થી વધુ હેલ્થ મિસઇન્ફોર્મેશનના બ્લોગ પોસ્ટ્સ બનાવવા માટે કર્યો હતો. આ પ્રયોગે સમગ્ર આરોગ્ય ઉદ્યોગ પર પ્રશ્નાર્થ ચિહ્નો ઉભા કર્યા છે.
ચેટજીપીટી જેવા લોકપ્રિય પ્લેટફોર્મ પર કેટલાક સિક્યોરીટી સ્ટેપ્સ છે જે લોકોને ખોટા પૂછાયેલા પ્રશ્નોના જવાબો આપતા અટકાવે છે. પરંતુ ઑસ્ટ્રેલિયાના એડિલેડમાં ફિલ્ડ્સ યુનિવર્સિટીના બે સંશોધકોએ આ સ્ટેપ્સ ફોલો ન કરીને થોડા જ સમયમાં રસી અને વેપિંગ વિશે ખોટી માહિતી ધરાવતાં ઘણાં બ્લોગપોસ્ટ બનાવ્યાં. આ સંશોધન જામા ઈન્ટરનલ મેડિસિનમાં પ્રકાશિત થયું છે.
મુખ્ય સંશોધક અને ફાર્માસિસ્ટ બ્રેડલી મેન્ઝના જણાવ્યા અનુસાર, એઆઇ વિશે એક મોટી ચિંતા એ છે કે તે ભ્રામક, અચોક્કસ અને ખોટી માહિતી એટલી સ્પષ્ટ રીતે ફેલાવે છે કે વ્યક્તિ તેને સત્ય તરીકે સ્વીકારે છે. તેમણે કહ્યું કે અમે એ જોવા માગીએ છીએ કે ખરાબ ઈરાદા ધરાવતા કોઈ વ્યક્તિ માટે આવા પ્લેટફોર્મની મદદથી સુરક્ષાના આ પગલાંને તોડવું કેટલું સરળ હશે. આ અભ્યાસે તારણ કાઢ્યું છે કે કેવી રીતે કૃત્રિમ મહિલાઓનો ઉપયોગ મોટા પાયે હેલ્થ મિસઇન્ફોર્મેશન ફેલાવવા માટે થઈ શકે છે.
મેઈન્ઝના જણાવ્યા અનુસાર, આવા પ્લેટફોર્મના ડેવલોપર્સએ સ્વાસ્થ્ય વ્યાવસાયિકોના અભિપ્રાય પછી આ રીતનો અહેવાલ સાર્વજનિક કરવો જોઈએ. ડેકિન યુનિવર્સિટીના સંશોધક કુપરહોલ્ઝ કહે છે કે કોઈપણ ઇન્ટરનલ સિક્યોરીટી ઇન્ફોર્મેશનનો દુરુપયોગ અટકાવવામાં સક્ષમ નથી. આપણે એવા ઉપાયો શોધવા પડશે કે જેમાં આવુ કન્ટેન્ટ પોસ્ટ કરનાર વ્યક્તિ અથવા પ્લેટફોર્મની જવાબદારી નક્કી કરી શકાય.
૬૫ મિનિટમાં કરી ૧૦૨ પોસ્ટ
સંશોધકોનું ધ્યેય ૬૫ મિનિટમાં ૧૦૨ પોસ્ટ્સ બનાવવાનું હતું, જેમાં યુવાઓ, સગર્ભા સ્ત્રીઓ અને આરોગ્યની સ્થિતિ ધરાવતા દર્દીઓને લક્ષ્યાંક બનાવવામાં આવ્યા હતા. પોસ્ટમાં નકલી દર્દીઓ અને ચિકિત્સકોના નકલી પ્રમાણપત્રો અને વૈજ્ઞાનિક સંશોધનના સંદર્ભોનો સમાવેશ થતો હતો. બે મિનિટથી ઓછા સમયમાં, બાળકોને નુકસાન કરતી રસીઓના ચિત્રો સહિત લેખો સાથે ૨૦ નકલી પરંતુ વાસ્તવિક પોસ્ટ બનાવી હતી. સંશોધકોએ ૪૦ થી વધુ ભાષાઓમાં એક નકલી વિડિયો પણ બનાવ્યો હતો જે રસીને બાળ મૃત્યુ સાથે જોડે છે.
લાઈક અને ફોલો કરો અમારું ફેસબુક પેજ FACEBOOK - AAJKAALDAILY
ફોલો કરો અમારું ઇન્સ્ટાગ્રામ INSTAGRAM - AAJKAALDAILY
સબસ્ક્રાઈબ કરો અમારી યૂ ટ્યૂબ ચેનલ YOUTUBE - AAJKAALDAILY
મહત્વના સમાચારો આપના મોબાઇલમા મેળવવા માટે જોડાઓ અમારા વોટ્સએપ ગ્રૂપમાં 99251 12230
View News On Applicationભારત માટે ૨૦૪૭ સુધીમાં ઉચ્ચ આવક ધરાવતો દેશ બનવું મુશ્કેલ : માર્ટિન વુલ્ફ
July 06, 2024 01:59 PMઓછી આવક ધરાવતા દેશોમાં ૪ ટકાી વધુ નવજાત મૃત્યુનું કારણ આબોહવા પરિવર્તન
July 06, 2024 01:56 PMવિકટ્રી પરેડ બાદ મરીન ડ્રાઈવ પર એકઠો યો ૧૨ મેટ્રિક ટન કચરા
July 06, 2024 01:52 PMસાપે દંશ દીધો, યુવાને સાપને સામા બે બટકા ભરી લીધા, સાપનું મોત
July 06, 2024 01:49 PMCopyright © 2023-2024 Aajkaal Daily
Developed by Rhythm Infotech