ઓર્ગન ટ્રાન્સપ્લાન્ટ અથવા ડોનેશન આજના સમયમાં ચોંકાવનારી બાબત નથી. પરંતુ ડોકટરો એવું પણ માને છે કે ટ્રાન્સપ્લાન્ટ કરેલ કોઈ પણ અંગ ૨૦-૩૦ વર્ષથી વધુ ટકી શકતું નથી. આ પછી કેટલીક સમસ્યાઓ ઉભી થવા લાગે છે. પરંતુ બ્રિટનમાં એક મહિલાની ૧૦૮ વર્ષ જૂની કિડની છે. મહિલાની માતાએ ૫૦ વર્ષ પહેલા પોતાની કિડની ડોનેટ કરી હતી, આજે પણ તે ઠીક છે. તેને કોઈ પ્રકારની સમસ્યા નથી. આ જોઈને ડોક્ટરો પણ ચોંકી ગયા છે.

 અહેવાલ મુજબ ઈંગ્લેન્ડની રહેવાસી સુ વેસ્ટહેડ જ્યારે ૧૨-૧૩ વર્ષની હતી ત્યારે તેને કિડનીની સમસ્યા થવા લાગી હતી. તે જ ઉંમરે ડાયાલિસિસ શરૂ કરવામાં આવ્યું હતું અને અંતે તે ૨૫ વર્ષની ઉંમરે પહોંચ્યો ત્યાં સુધીમાં તેની કિડની ફેલ થઈ ગઈ. જ્યારે ડોકટરોએ ટ્રાન્સપ્લાન્ટની સલાહ આપી, ત્યારે માતા એન મેટકાલ્ફે તેની એક કિડનીનું દાન કર્યું. જુલાઈ ૧૯૭૩માં રોયલ વિક્ટોરિયા ઇન્ફર્મરીમાં તેની સર્જરી થઈ. જો તેના માતા આજે હયાત હોત તો તે ૧૦૮ વર્ષના થયા હોત. તમને જાણીને નવાઈ લાગશે કે સ્યુ વેસ્ટહેડને તેની માતાની કિડની ટ્રાન્સપ્લાન્ટ થયાને ૫૦ વર્ષ થઈ ગયા છે અને આજ સુધી તેને કોઈ સમસ્યા નથી. આજે પણ ૧૦૮ વર્ષની  કિડની તેમના શરીરમાં સારી રીતે કામ કરી રહી છે.

ડૉક્ટરો આ જોઈને આશ્ચર્યચકિત થઈ જાય છે, કારણ કે તેઓ માને છે કે ઈમ્પ્લાન્ટ મહત્તમ ૩૦ વર્ષ સુધી જ ચાલે છે