ઇન્ફોસિસના ફાઉન્ડર નારાયણ મૂર્તિએ પૌત્ર નામે કર્યા 240 કરોડ રૂપિયાના શેર : દાદાએ એકાગ્રને ભેટમાં આપ્યા 15 લાખ શેર 

ભારતના દિગ્ગજ ઉદ્યોગપતિ અને ઇન્ફોસિસના સ્થાપક નારાયણ મૂર્તિએ તેમના ૪ મહિનાના પૌત્ર એકાગ્ર મૂર્તિના નામે 240 કરોડ રૂપિયાના શેર ટ્રાન્સફર કર્યા. નારાયણ મૂર્તિએ તેમના પૌત્ર એકગ્રને 15 લાખ શેર આપ્યા છે. જેના કારણે તે દેશના સૌથી નાની વયનો અબજોપતિ બન્યો છે. 

નારાયણ મૂર્તિના પુત્ર રોહન મૂર્તિ અને તેમની બીજી પત્ની અપર્ણા કૃષ્ણનના પુત્ર એકગ્ર રોહન મૂર્તિ હવે ભારતના સૌથી યુવા અબજોપતિ કહેવાશે. એકાગ્ર મૂર્તિનો જન્મ ડિસેમ્બર 2023માં થયો હતો. અને બરાબર 4 મહિના પછી, એકગ્રા મૂર્તિના દાદા, દેશના જાણીતા ઉદ્યોગપતિ નારાયણ મૂર્તિએ તેમને તેમના નામે લગભગ 15 લાખ શેરની ભેટ આપી છે. જેના કારણે હવે રોહન મૂર્તિ 240 કરોડ રૂપિયાની સંપત્તિના માલિક બની ગયા છે. અને આ સાથે તે દેશના સૌથી યુવા અબજોપતિ બની ગયા છે. રોહન મૂર્તિના પહેલા લગ્ન વર્ષ 2011માં લક્ષ્મી વેણુ સાથે થયા હતા, જેમની સાથે તેણે 2015માં છૂટાછેડા લીધા હતા. અપર્ણા કૃષ્ણા તેમની બીજી પત્ની છે.

પત્ની પાસેથી ઉધાર લઈને બીઝનેસની કરી હતી શરૂઆત

નારાયણ મૂર્તિએ 1981માં તેમની પત્ની સુધા મૂર્તિ પાસેથી 10 હજાર રૂપિયા ઉધાર લઈને ઈન્ફોસિસ શરૂ કરી હતી. આજે આ કંપનીની નેટવર્થ 81.53 બિલિયન ડોલર છે. તેમણે તેના બંને બાળકોને કંપનીથી દૂર રાખ્યા છે. નારાયણ મૂર્તિએ 30 વર્ષ સુધી ઈન્ફોસિસનું નેતૃત્વ કર્યા બાદ 2011માં ચેરમેન પદેથી રાજીનામું આપ્યું હતું. સુધા મૂર્તિને તાજેતરમાં રાજ્યસભાના સભ્ય બનાવવામાં આવ્યા છે. પિતાની જેમ રોહન મૂર્તિ પણ સાદગીથી રહે છે. રોહન એઆઈના ઉપયોગમાં વિશેષતા ધરાવતી ડિજિટલ ટ્રાન્સફોર્મેશન કંપનીના સ્થાપક છે. તો નારાયણ મૂર્તિની પુત્રી અક્ષતા મૂર્તિ બ્રિટિશ વડાપ્રધાન ઋષિ સુનકની પત્ની છે.