પરિવારની પોલીસ ફરિયાદ

ભાણવડનાં રૂપામોરા ગામનો યુવાન એકાએક ગુમ થતા તેના પિતાએ ભાણવડ પોલીસ થાણે જાણ કરી છે, પોલીસે ગુમ નોંધ દાખલ કરી યુવાનની શોધખોળ શરૂ કરી છે. બનાવની પોલીસમાં જાહેર થયેલી વિગત મુજબ ભાણવડ ખંભાળીયા હાઈવે માર્ગ ઉપર રૂપામોરા ગામ આવેલ છે. આ ગામમાં સગર જ્ઞાતીના પ્રવિણ વેજા નનેરા (ઉ.42) નામનો યુવક વસવાટ કરે છે.

ત્યારે ઉપરોકત યુવાન તા.15ના સવારના નવેક વાગ્યાના સુમારે ભાણવડના જુના સિનેમા રોડ વિસ્તારમાંથી કોઈને કહ્યા વગર એકાએક ગુમ થતા પ્રથમ તેના પરિવારે ઠેકઠેકાણે શોધ કરી હતી. પરંતુ યુવકનો પતો લાગ્યો નથી. આથી તેના પિતા વેજાભાઈ નનેરાએ ભાણવડ પોલીસ થાણે પહોંચી પોતાનો પુત્ર ગુમ થયાની જાણ કરી હતી. પોલીસે ગુમ નોંધ દાખલ કરી શોધખોળ શરૂ કરી છે, જે કોઈને યુવાનનો પતો મળે તો ભાણવડ પોલીસ થાણે જાણ કરવા પોલીસ વિભાગ દ્વારા અપીલ કરાઈ છે.