કુવાડવા નજીક ટ્રકએ બાઇકને અડફેટે લેતા યુવકનું મોત

  • April 02, 2025 03:03 PM 
Aajkaal Daily (Desh Pardesh Ni Aajkaal)

કુવાડવા નજીક ટ્રક ચાલકે બાઇકને અડફેટે લેતા બાઈક ચાલક યુવકનું ગંભીર ઇજા થવાથી મોત થયું છે.પ્રાપ્ત વિગત મુજબ ગ્રીનલેન્‍ડ ચોકડી પાસે શીવનગર-૧માં રહેતાં કરસનભાઇ આંબાભાઇ બાવળીયા (ઉ.વ.૪૦)ના યુવક સાંજે બામણબોર તરફથી બાઈક લઈને ઘરે જઈ રહ્યા હતા ત્યારે કુવાડવા રોડ પર માધવ હોટલ પાસે પુરપાટ ઝડપે આવતા અજાણ્‍યા ટ્રકે બાઇકને ઉલાળતા યુવક બાઈક સમેત રોડ ફંગોળાયા હતા. માથા અને શરીરના ભાગે ગંભીર ઇજા થવાથી સિવિલ હોસ્‍પિટલમાં ખસેડવામાં આવ્યા હતા પરંતુ સારવાર કારગત નીવડે પહેલા જ દમ તોડી દેતા પરિવારમાં કલ્પાંત સર્જાયો હતો. બનાવ અંગે હોસ્પિટલ ચોકીના સ્ટાફે કુવાડવા પોલીસને જાણ કરતાં પોલીસ સ્ટાફે હોસ્પિટલ પહોંચી જરૂરી કાર્યવાહી કરી હતી. મૃતક કરસનભાઇ બામણબોર પાસે ભરડીયામાં નોકરી કરતાં હતાં અને ચાર ભાઇ અને બે બહેનમાં મોટા હતાં. સંતાનમાં બે પુત્ર અને બે પુત્રી છે. જેમાં યુવાનના મોતથી ચાર સંતાનોએ પિતાનું છત્ર ગુમાવી દેતા પરિવારમાં શોક છવાયો છે. અકસ્‍માત સર્જી ટ્રક મુકી ચાલક નાસી જતા પોલીસે અજાણ્યા ચાલકની શોધખોળ હાથ ધરી છે.



લાઈક અને ફોલો કરો અમારું ફેસબુક પેજ FACEBOOK - AAJKAALDAILY


ફોલો કરો અમારું ઇન્સ્ટાગ્રામ INSTAGRAM - AAJKAALDAILY


સબસ્ક્રાઈબ કરો અમારી યૂ ટ્યૂબ ચેનલ YOUTUBE - AAJKAALDAILY


મહત્વના સમાચારો આપના મોબાઇલમા મેળવવા માટે જોડાઓ અમારા વોટ્સએપ ગ્રૂપમાં  99251 12230  

View News On Application