દામનગરમાં યુવકે પોતાના ઘરે ઝેરી ટીકડા પી લેતા સારવાર માટે અમરેલીની ખાનગી હોસ્પિટલમાં ખસેડવામાં આવતા ચાલુ સારવારે દમ તોડી દીધો હતો. બનાવથી પરિવારમાં કલ્પાંત સર્જાયો હતો. બનાવની મળતી વિગત મુજબ મૂળ સ્વામીના ગઢડાના જલાલપુરનો અને હાલ દામનગરના જે.ડી પાર્કમાં રહી મજૂરી કામ કરતો આશીષ જિતેન્દ્રભાઇ ઉર્ફે બુધાભાઇ સોલંકી (ઉ.વ.૨૧) નામના યુવકે ગઈકાલે પોતાના ઘરે હતો ત્યારે ઝેરી દવાના ટીકડા પી લેતા અર્ધ બેભાન હાલતમાં અમરેલીની ધડુક હોસ્પિટલમાં ખસેડવામાં આવ્યો હતો પરંતુ સારવાર કારગત ન નીવડતા મોત નીપજ્યું હતું. બનાવની જાણ હોસ્પિટલ દ્વારા દામનગર પોલીસને કરવામાં આવતા પોલીસે સ્ટાફે હોસ્પિટલ પહોંચી જરૂરી કાર્યવાહી કરી મૃતદેહ ને પીએમ માટે ખસેડ્યો હતો. યુવકે ક્યાં કારણથી પગલું ભર્યું તે અંગે દામનગર પીએસઆઇ બી.પી.પરમાર તપાસ ચાલવી રહ્યા છે.