વીરપુરમાં પારકી પરિણીતા સાથે ફોનમાં વાત કરવા મુદે યુવાનનું ઘર સળગાવાયું

  • March 19, 2025 11:06 AM 
Aajkaal Daily (Desh Pardesh Ni Aajkaal)
વીરપુરમાં દેવપરા વિસ્તારમાં રાત્રીના યુવાના ઘરને આગ ચાંપી દેવામાં આવી હતી.સદનસીબે યુવાનને કોઇ ઇજા પહોંચી ન હતી. યુવાન પારકી પરિણીતા સાથે ફોનમાં વાત કરતો હોય જેની જાણ પરિણીતાના પરિવારને થઇ જતા માથાકૂટ થઇ હતી.બાદમાં આ વાતનો ખાર રાખી પરિણીતાના કાકાજી સસરાએ ગામમાં જ રહેતા અન્ય એક શખસને પૈસા આપી ઘરને આગ લગાડવા કહ્યું હતું. જે અંગે વીરપુર પોલીસ સ્ટેશનમાં બે શખસો સામે ગુનો નોંધાવમાં આવ્યો છે.


વીરપુરમાં દેવપરા વિસ્તારમાં રહેતા નરેશ રમેશભાઇ બુંધેલીયા(ઉ.વ ૩૪) નામના યુવાને વીરપુર પોલીસ સ્ટેશનમાં નોંધાવેલી ફરિયાદમાં આરોપી તરીકે ભગીરથ ઉર્ફે ભગી ખાચર અને બાબુ રાવળ(રહે. બંને દેવપરા,વીરપુર) ના નામ આપ્યા છે. આરોપી ભગીએ બાબુને રૂ.૪ હજાર આપી યુવાનનું ઘર સળગાવવા કહેતા આરોપી બાબુએ ડીઝલ લઇ યુવાનના ઘરમાં રાત્રીના મકાનના પાછળના ભાગેથી પ્રવેશ કરી ડીઝલ છાંટી આગ ચાંપી દીધી હતી.જોકે સદનસીબે યુવાનને કોઇ ઇજા પહોંચી ન હતી.


વધુમાં જાણવા મળતી વિગતો મુજબ,યુવાન આરોપી ભગીના ભત્રીજાની પત્ની સાથે ફોનમાં વાત કરતો હોય જે વાતની જાણ પરિવારને થઇ જતા દંપતી વચ્ચે ઝઘડો થયો હતો.બાદમાં વાત છુટાછેડા સુધી પહોંચી ગઇ હતી.બીજી તરફ યુવાન પણ અ માથકૂટ થયા બાદ વડોદરા ચાલ્યો ગયો હતો.દશેક દિવસ પૂર્વે તે પરત વીરપુર ફરતા ફરી બબાલ થઇ હતી.જેમાં આરોપીએ તેના ઘરને સળગાવી નાખવા માટે અન્ય શખસની મદદ લઇ આ કૃત્ય આચર્યું હતું.આ અંગે યુવાનની ફરિયાદ પરથી પોલીસે બંને આરોપી સામે ગુનો નોંધી કાયદેસરની કાર્યવાહી કરી હતી.



લાઈક અને ફોલો કરો અમારું ફેસબુક પેજ FACEBOOK - AAJKAALDAILY


ફોલો કરો અમારું ઇન્સ્ટાગ્રામ INSTAGRAM - AAJKAALDAILY


સબસ્ક્રાઈબ કરો અમારી યૂ ટ્યૂબ ચેનલ YOUTUBE - AAJKAALDAILY


મહત્વના સમાચારો આપના મોબાઇલમા મેળવવા માટે જોડાઓ અમારા વોટ્સએપ ગ્રૂપમાં  99251 12230  

View News On Application