શાહરૂખ ખાનની કોલકાતા નાઈટ રાઈડર્સે આઈપીએલ 2024નું ટાઈટલ જીત્યું. કોલકાતાએ ફાઇનલમાં સનરાઇઝર્સ હૈદરાબાદને હરાવીને ઝળહળતી ટ્રોફી જીતી હતી. ટીમની જીત બાદ શાહરૂખ ખાને પણ જોરશોરથી ઉજવણી કરી હતી. આ દરમિયાન કિંગ ખાન ખૂબ જ સ્ટાઇલિશ લુકમાં જોવા મળ્યો હતો. પરંતુ તેણે પહેરેલી ઘડિયાળ પર કદાચ કોઈએ ધ્યાન આપ્યું નહોતું. શાહરૂખના હાથમાં દુનિયાની સૌથી મોંઘી ઘડિયાળ હતી.

આ ઘડિયાળની કિંમત એટલી છે કે કોઈ આરામથી લક્ઝરી હાઉસની સાથે કાર પણ ખરીદી શકે. શાહરૂખે જે ઘડિયાળ પહેરી હતી તે કોઈ સામાન્ય ઘડિયાળ નહોતી. આ ઘડિયાળ રિચર્ડ મિલે RM 052 Tourbillon મોડલની હતી, જેને દુનિયામાં માત્ર અમુક લોકો જ ખરીદી શકે છે અને પહેરે છે. ઘડિયાળની કિંમત લગભગ 5.45 કરોડ રૂપિયા છે. શાહરૂખ ખાનની આ ઘડિયાળ દુનિયાની સૌથી મોંઘી ઘડિયાળોમાની એક છે.