રીબડા ગામે રહેતી સાયમાબેન (ઉ.20)એ નોંધાવેલી ફરિયાદમાં આરોપી તરીકે સાસુ શાંતાબેન કાળુભાઈ અને પતિ મહેશ ઉર્ફે મયુરભાઈ સાગઠિયાના નામ આપ્યા છે. ફરિયાદમાં જણાવ્યું હતું કે,તેમણે ત્રણ મહિના પહેલા મયુર સાથે પ્રેમલગ્ન કર્યા હતા.લગ્ન બાદ તેઓનું માવતર મોરબી રોડ જુના જકાત નાકા પાસે હતું.તેમને કોલેજના બે વર્ષ સુધી અભ્યાસ કર્યો છે.ત્રણેક મહિનાથી તેઓ રિબડા ખાતે રહેવા લાગ્યા હોય અને રહેવા ગયા બાદ સાસુ પણ સાથે રહેતા હતા.પિતાના ઘરેથી ભાગી ફરિયાદી મહિલા પતિ મયુર સાથે ઘંટેશ્વર રહેવા ચાલી ગઈ હતી.

ત્યાં સાસુના ફોનમાં કોઈનો કોલ આવ્યો અને તે કટ થઈ જતા સાસુએ કોલ લગાડવાનું કહેતા ફરિયાદીએ કોલ કરતા પતિએ તેમને ત્રણ ફડાકા મારી દીધા હતા. ફરિયાદી મુસ્લિમ હોય જેથી સાસુ અવાર નવાર ત્રાસ આપતા હતા અને કહેતા કે તે પ્રેમલગ્ન કર્યા છે એટલે બાકી તને ઘરની બહાર કાઢી મુકું અમને તું ગમતી જ નથી. સાસુએ એક વાર કહ્યું કે દીકરા મયુરને એક દેવીપૂજક મહિલાને સાથે રાખી હતી અને તે વાત પતિએ પણ સ્વીકારી હતી અને થોડા દિવસ બાદ પિતા બીમાર હોય ત્યાં મૂકી જવાનું કહેતા મયુર કાર લઇ બહાર મૂકી જતા રહ્યા હતા.તેમજ પતિ મયુરને અન્ય સ્ત્રી સાથે સબંધ હોય તેની સાથે મૈત્રી કરાર કરી રહેતા હોય જેથી ઘરમાં કંકાસ થતો હોય પતિએ ઢીકાપાટુનો મારમાર્યો હતો.