અલ્લુ અર્જુન અને રશ્મિકા મંદન્નાની ફિલ્મ 'પુષ્પા 2' માટે દર્શકોને વધુ સમય રાહ જોવી પડે તેવું બની શકે છે. ફિલ્મની રિલીઝ ડેટ 15 ઓગસ્ટ રાખવામાં આવી છે. પરંતુ આ ફિલ્મ આ દિવસે સિનેમાઘરોમાં હિટ થઈ શકશે કે કેમ તે કહી શકાય નહીં. કારણકે ફિલ્મના એડિટર એન્ટની રુબેને ફિલ્મની રિલીઝના 3 મહિના પહેલા જ ફિલ્મ છોડ્યાની માહિતી મળી છે. તેણે પોતાના વ્યસ્ત શિડ્યુલને કારણે આ ફિલ્મ છોડી દીધી છે. જોકે ફિલ્મ નિર્માતાનું કહેવું છે કે આનાથી ફિલ્મની રિલીઝ પર કોઈ અસર નહીં થાય.

એન્ટોની રુબેને ‘પુષ્પાઃ ધ રાઇઝ’નું સંપાદન કર્યું હતું. આ સિવાય તેણે શાહરૂખ ખાનની 'જવાન' જેવી બ્લોકબસ્ટર ફિલ્મો પણ એડિટ કરી છે પરંતુ હવે એવું કહેવામાં આવી રહ્યું છે કે એન્ટોનીએ પોતાના વ્યસ્ત શેડ્યૂલને કારણે ફિલ્મ છોડી દીધી છે. હાલમાં તે એટલી અને વરુણ ધવનની ફિલ્મ 'બેબી જોન' માટે કામ કરી રહ્યો છે. તે માત્ર આ ફિલ્મનું એડિટીંગ નથી કરી રહ્યો. તે તેના સહયોગી નિર્માતા પણ છે. આ કારણે તે 'પુષ્પા 2' માટે સમય કાઢી શકશે નહીં. એવું તેણે જણાવ્યું છે.

હવે એન્ટોનીએ ફિલ્મ છોડ્યા પછી, અલ્લુ અર્જુન અને સુકુમાર એડિટર નવીન નૂલી સાથે ચર્ચા કરી રહ્યા છે, જેમણે ફિલ્મના સંપાદન માટે રાષ્ટ્રીય પુરસ્કાર જીત્યો હતો. અગાઉ નવીન નૂલીએ સુકુમાર સાથે જુનિયર એનટીઆરની ફિલ્મ નન્નાકુ પ્રેમાથોમાં કામ કર્યું હતું. આ સાથે તેણે પ્રભાસ અભિનીત 'રંગસ્થલમ'નું પણ સંપાદન કર્યું છે અને તેણે અલ્લુ અર્જુનની બ્લોકબસ્ટર ફિલ્મ અલા વૈકુંઠપુરરામુલુનું પણ સંપાદન કર્યું છે. નવીન નૂલીના આગામી પ્રોજેક્ટમાં પવન કલ્યાણની તેલુગુ ફિલ્મ 'ઓજી' સપ્ટેમ્બરમાં રિલીઝ થવા જઈ રહી છે.

પુષ્પા 2 ની સ્ટારકાસ્ટ

અલ્લુ અર્જુન અને રશ્મિકા મંદન્ના સિવાય અન્ય કલાકારો જેમ કે ફહાદ ફૈસિલ, પ્રકાશ રાજ અને સુનીલ પણ 'પુષ્પા 2'માં જોવા મળશે. આ ફિલ્મનો પહેલો ભાગ પણ લોકોને પસંદ આવ્યો હતો અને ફિલ્મ બ્લોકબસ્ટર સાબિત થઈ હતી. હવે જોવાનું એ રહે છે કે પુષ્પા 2 ને દર્શકોનો કેટલો પ્રેમ મળે છે.