હું પોલીસમાં છું, હોમગાર્ડમાં છું એમ જુદી જુદી ઓળખ આપી પત્નીનો માનેલો ભાઈ ઘરમાં આવી ધમકાવી માથામાં ઘુસ્તા માર્યાની રાવ સાથે યુવક સિવિલમાં દાખલ થતા બનાવ અંગે હોસ્પિટલ ચોકીના સ્ટાફે તાલુકા પોલીસને જાણ કરી હતી.

ચક્કર આવી જવાથી સિવિલમાં ખસેડાયો

કાલાવડ રોડ પર જડુસ હોટેલ પાછળ ભીમવાસ નજીક આંબેડકર નગર-5માં રહેતા વિનોદભાઈ ઘેલાભાઈ પરમાર (ઉ.વ.42)ના યુવક સાંજે ઘરે હતા ત્યારે માનવ નામના વ્યક્તિએ ઘરે આવી ઢીકાપાટુ અને માથામાં ઘુસ્તા મારતા ચક્કર આવી જવાથી સિવિલમાં ખસેડાયા હતા. પોતે કડિયાકામ કરે છે. વિનોદભાઈએ આક્ષેપ કરતા જણાવ્યું હતું કે, એકાદ વર્ષ પહેલા પત્ની ભવાની સિક્યોરિટીમાં ગાર્ડ તરીકે નોકરીએ રહી ત્યારે માનવ ત્યાં સુપર વાઇઝર તરીકે કામ કરતો હોય અને ત્યાંથી સંપર્કમાં આવ્યો હતો તેની ઓળખાણ જીભના માનેલા ભાઈ તરીકે મને કરાવી હતી. 

અમારા ઘરમાં જયારે નાની મોટી ચડભડ થાય ત્યારે

અમારા ઘરમાં જયારે નાની મોટી ચડભડ થાય ત્યારે પત્ની માનવને ફોન કરે એટલે તુરંત આવીને પોતે પોલીસમાં અને હોમગાર્ડમાં હોય એવી વાતો કરી મને ધમકાવવા લાગતો હતો. ગઈકાલે હું ઘરે હતો ત્યારે પત્નીએ મેસેજ કરતા એ આવી ગયો હતો અને મારી બહેનને ત્રાસ કેમ આપે છે કરી મારામારી કરવા લાગ્યો હતો. આક્ષેપો અંગે તાલુકા પોલીસે તપાસ હાથ ધરી છે.