એલસીબી સહિતની ટુકડીઓ ત્રાટકી : ૧૫ કેસ નોંધાયા
જામનગર શહેરના ખેતીવાડી વિસ્તારના સિઘ્ધાર્થનગર, જોગણીનગર, જોગવડ, પીપળી, મારવાડીવાસ, ધ્રોલ, કાલાવડના ખંઢેરા અને નિકાવા વિસ્તારોમાં એલસીબી સહિતની ટુકડીઓ દ્વારા દેશી દારુ અંગે તપાસ કરવામાં આવી હતી, ૧૫ કેસ નોંધીને દેશી દારુ, આથો અને ભઠ્ઠીના સાધનો જપ્ત કરાયા હતા.
જામનગરના નંદનવન સોસાયટી પાસે મારવાડીવાસમાં રહેતી ડાઇબેન ધના ભાટીને ત્યાથી ૪૦ લીટર કાચો આથો અને ભઠ્ઠીના સાધનો મળી આવ્યા હતા, લાલપુરના પીપળી ચારણનેશમાં રહેતા આલા પબા ગુજરીયાને ત્યાથી ૫ લીટર દેશી દારુ, ૩૦ લીટર આથો અને ભઠ્ઠીના સાધનો, જોગવડ તળાવનેશ ખાતે રહેતા અબડા વાલસુર સુમેતને ત્યાથી ૧૪ લીટર આથો મળી આવ્યો હતો.
આ ઉપરાંત જોગવડ તળાવનેશ ખાતે દેવગુણ લખમણ ચારણના ઝુપડાની પાછળથી ૩૦ લીટર દારુ બનાવવાનો આથો મળી આવ્યો હતો. તેમજ જગા દેવજી ઘોડાને ત્યાથી ૧૫ લીટર આથો પડાણા પોલીસે કબ્જે લીધો હતો.
અન્ય દરોડામાં જામનગરના ખેતીવાડી પાછળ સિઘ્ધાર્થનગર શેરી નં. ૩માં રહેતા અનિલ મોહન ચૌહાણને ત્યાં એલસીબીએ દરોડો પાડીને ૪૦ લીટર કાચો આથો અને ભરેલુ બેરલ તેમજ કેનમાં ૧૦ લીટર દારુ, ભઠ્ઠીના સાધનો મળી આવ્યા હતા. જયારે જોગણીનગરમાં રહેતી ગોરીબેન રમેશ બાવરીના ઝુપડેથી ૧૫૦ લીટર આથો ભરેલ બેરલ અને કેનમાં ૫ લીટર દેશી દારુ અને દારુ બનાવવાના સાધનો કબ્જે કર્યા હતા.
જોગણીનગરમાં એલસીબીની ટુકડીએ તપાસ કરીને અહી રહેતી છાયાબેન બોદુ વઢીયારના રહેણાક ઝુપડેથી ૧૩૦ લીટર આથો, ૩ લીટર દેશી દારુ અને દારુ બનાવવાના સાધનો, જયારે ધ્રોલના ગાયત્રીનગરમાં રહેતા રફીક સુમાર રાઠોડને ત્યાથી ૧૨ લીટર દેશી દારુ, ૬૫ લીટર આથો અને ભઠ્ઠીના સાધનો સ્થાનીક પોલીસે કબ્જે કર્યા હતા.
આ ઉપરાંત દરેડમાં જસુબા ભીખુભા જાડેજાને ત્યાથી ૨૦ લીટર આથો મળી આવ્યો હતો, કાલાવડના ખંઢેરા ગામમાં રહેતા પુના કાના વાઘેલાના મકાનેથી ૧૦ લીટર આથો, નિકાવામાં લક્ષ્મીબેન ભગા દાફડાને ત્યાથી ૧૦ લીટર કાચો આથો, એરફોર્સ રોડ બાવરીવાસમાં ગીતાબેન રામનારાયણ ડાભીને ત્યાથી ૫ લીટર દેશી દારુ, ૮૦ લીટર આથો અને સાધનો તેમજ ગણપતનગરમાં સંકુતલા દિપક કોળીને ત્યાથી ૪ લીટર દેશી દારુ, ૮૦ લીટર આથો અને ભઠ્ઠીના સાધનો કબ્જે કરાયા હતા. તેમજ જામનગર શંકરટેકરી સિઘ્ધાર્થ કોલોનીમાં રહેતા જયેશ કિશન પરમારના ઝુપડેથી કેરબામાં ભરેલો ૫૦ લીટર આથો, ૧૦ લીટર દેશી દારુ અને દારુ બનાવવાના સાધનો એલસીબીએ કબ્જે કર્યા હતા.
લાઈક અને ફોલો કરો અમારું ફેસબુક પેજ FACEBOOK - AAJKAALDAILY
ફોલો કરો અમારું ઇન્સ્ટાગ્રામ INSTAGRAM - AAJKAALDAILY
સબસ્ક્રાઈબ કરો અમારી યૂ ટ્યૂબ ચેનલ YOUTUBE - AAJKAALDAILY
મહત્વના સમાચારો આપના મોબાઇલમા મેળવવા માટે જોડાઓ અમારા વોટ્સએપ ગ્રૂપમાં 99251 12230
View News On Application4 એપ્રિલની ગાંધીધામ-પાલનપુર-ગાંધીધામ એક્સપ્રેસ આંશિક રીતે રદ રહેશે
April 03, 2025 09:02 PMમહારાજા કૃષ્ણકુમારસિંહજીની પ્રતિમાને શહેર ભાજપ દ્વારા પુષ્પાંજલિ અર્પણ કરાઈ
April 03, 2025 03:39 PMCopyright © 2023-2024 Aajkaal Daily
Developed by Rhythm Infotech