ન્યુઝીલેન્ડના દિગ્ગજ ખેલાડી રોસ ટેલરે વિરાટ કોહલીની ખૂબ પ્રશંસા કરી છે. જાણો કેવી રીતે તેણે ખેલાડીઓની તુલના રાજકારણીઓ સાથે કરી છે.
ન્યુઝીલેન્ડના દિગ્ગજ ખેલાડી રોસ ટેલરે ભારતીય ક્રિકેટ સ્ટાર વિરાટ કોહલીના વખાણ કર્યા છે. ટેલરનું માનવું છે કે કોહલી માત્ર ક્રિકેટમાં જ નહીં પરંતુ રમતની દુનિયામાં પણ 'ગ્લોબલ સુપરસ્ટાર' છે. વિરાટ કોહલીએ તેની આંતરરાષ્ટ્રીય ક્રિકેટ કારકિર્દીમાં અત્યાર સુધી ભારત માટે 522 મેચોમાં 26 હજારથી વધુ રન બનાવ્યા છે. તે પોતાનામાં એક બ્રાન્ડ બની ગયો છે અને હાલમાં કોહલી સોશિયલ મીડિયા પર સૌથી વધુ ફેન ફોલોઈંગ ધરાવતો ક્રિકેટર પણ છે. રોસ ટેલરનું કહેવું છે કે આધુનિક ક્રિકેટ મુજબ સોશિયલ મીડિયા પર ઘણી ફેન ફોલોઈંગ હોવી સારી બાબત છે.
180 નોટ આઉટ પોડકાસ્ટ પર ચર્ચા કરતી વખતે 2021માં ક્રિકેટને અલવિદા કહેનાર રોસ ટેલરે કહ્યું, “વર્ષ 2008માં કોણે વિચાર્યું હશે કે ઘણી મોટી બ્રાન્ડ્સ ક્રિકેટ ખેલાડીઓને સ્પોન્સર કરશે. વિરાટ કોહલી જેવો ખેલાડી, જે ક્રિકેટ જગતમાં સુપરસ્ટાર છે પરંતુ હવે સમગ્ર રમત જગતમાં પણ ગ્લોબલ સુપરસ્ટાર બની ગયો છે. જ્યારે ઈન્સ્ટાગ્રામ અને સોશિયલ મીડિયા પર ફેન ફોલોઈંગની વાત આવે છે, ત્યારે કોહલી મેસ્સી અને રોનાલ્ડોની બરાબરી પર છે.
રાજકારણીઓ સાથે ખેલાડીઓની સરખામણી
કિવી દિગ્ગજનું માનવુ છે કે વધુ સોશિયલ મીડિયા ચાહકો હોવાનો અર્થ એ છે કે તમે વધુ લોકો સુધી પહોંચી શકો છો. તેમના મતે, બોલિવૂડ સ્ટાર્સ, ફિલ્મ સ્ટાર્સ અને રાજનેતાઓ કરતાં ખેલાડીઓની ટીકા ઘણી ઓછી થાય છે, પરંતુ કદાચ આ ખરાબ બાબત નથી. આ પહેલા ઓસ્ટ્રેલિયાના બ્રેટ લીએ કહ્યું હતું કે સોશિયલ મીડિયાના આ યુગમાં મોબાઈલ કેમેરાને શ્રેષ્ઠ અને સૌથી ખરાબ વસ્તુ પણ કહી શકાય.
વિરાટ કોહલીની ફેન ફોલોઈંગ છે કરોડોમાં
સોશિયલ મીડિયા પ્લેટફોર્મ, ઇન્સ્ટાગ્રામ, ફેસબુક અને ટ્વિટર (હવે X) પર વિરાટ કોહલીની ફેન ફોલોઇંગ 383.2 મિલિયન છે. જો આપણે ભારતીય નંબર સિસ્ટમમાં 383.2 મિલિયનને સમજીએ તો લગભગ 38 કરોડ લોકો કોહલીને સોશિયલ મીડિયા પર ફોલો કરે છે. કોહલી ક્રિસ્ટિયાનો રોનાલ્ડો, લિયોનેલ મેસ્સી અને ડ્વેન 'ધ રોક' જ્હોન્સન પછી ઇન્સ્ટાગ્રામ પર ચોથો સૌથી વધુ ફોલો કરવામાં આવેલ એથ્લેટ છે.
લાઈક અને ફોલો કરો અમારું ફેસબુક પેજ FACEBOOK - AAJKAALDAILY
ફોલો કરો અમારું ઇન્સ્ટાગ્રામ INSTAGRAM - AAJKAALDAILY
સબસ્ક્રાઈબ કરો અમારી યૂ ટ્યૂબ ચેનલ YOUTUBE - AAJKAALDAILY
મહત્વના સમાચારો આપના મોબાઇલમા મેળવવા માટે જોડાઓ અમારા વોટ્સએપ ગ્રૂપમાં 99251 12230
View News On Applicationલંડનથી મુંબઈ આવી રહેલી ફ્લાઈટ ટર્કી પહોંચી, 200થી વધુ ભારતીયો 15 કલાકથી ફસાયા, જાણો શું છે કારણ
April 03, 2025 09:05 PM4 એપ્રિલની ગાંધીધામ-પાલનપુર-ગાંધીધામ એક્સપ્રેસ આંશિક રીતે રદ રહેશે
April 03, 2025 09:02 PMCopyright © 2023-2024 Aajkaal Daily
Developed by Rhythm Infotech