BCCI સચિવ જય શાહ અને ભારતીય મહિલા ટીમની કેપ્ટન હરમનપ્રીત કૌરે શુક્રવારે ભારતની નવી ODI જર્સીનું અનાવરણ કર્યું. નવી જર્સીમાં કેટલાક ફેરફાર કરવામાં આવ્યા છે. ટીમ ઈન્ડિયાની નવી ODI જર્સીમાં ખભા પર ભારતીય ધ્વજ ત્રિરંગો દેખાય છે. ભારતીય ટીમ ચેમ્પિયન્સ ટ્રોફી 2025માં આ જર્સી પહેરવાની છે.

નવી જર્સીમાં કેટલાક ફેરફાર કરવામાં આવ્યા છે. ટીમ ઈન્ડિયાની નવી ODI જર્સીમાં ખભા પર ભારતીય ધ્વજ ત્રિરંગો દેખાય છે. ભારતીય ટીમ ચેમ્પિયન્સ ટ્રોફી 2025માં આ જર્સી પહેરવાની છે.

બોર્ડે વીડિયો કર્યો શેર

BCCIએ X પર જર્સીના અનાવરણ કાર્યક્રમનો વીડિયો શેર કર્યો છે. આ વીડિયોની સાથેના કેપ્શનમાં લખ્યું છે કે, 'BCCIના માનદ સચિવ જય શાહ અને ભારતીય ટીમની કેપ્ટન હરમનપ્રીત કૌરે ભારતીય ટીમની નવી ODI જર્સીનું અનાવરણ કર્યું.' આ કાર્યક્રમ BCCI હેડક્વાર્ટર ખાતે યોજાયો હતો.

ભારતીય ટીમ આવતા મહિને આ જર્સી પહેરશે

ભારતીય મહિલા ક્રિકેટ ટીમ આ નવી જર્સી પહેરીને વેસ્ટ ઈન્ડિઝની મહિલા ક્રિકેટ ટીમ સામે મેદાનમાં ઉતરશે. વેસ્ટ ઈન્ડિઝની મહિલા ટીમ ટૂંક સમયમાં 3 T20 અને તેટલી જ ODI મેચોની શ્રેણી માટે ભારતની મુલાકાતે આવશે. ટી-20 સિરીઝ 15 ડિસેમ્બરથી અને વનડે સિરીઝ 22 ડિસેમ્બરથી શરૂ થશે. T20 શ્રેણીની તમામ મેચો નબી મુંબઈમાં અને વનડે શ્રેણી બરોડામાં રમાશે.