રાણાવાવના તાલુકા પંચાયત કચેરી તરફ જતા રસ્તા પર પાણીની પાઈપલાઈન તુટી જતા રસ્તા પર પાણી ફરી વળ્યું છે.
રાણાવાવ તાલુકા પંચાયત કચેરી તરફ જતા રસ્તા પર થોડા સમય પહેલા પાલિકા દ્વારા ખોદકામ કરવામાં આવ્યુ હતુ ત્યારે અંડરગ્રાઉન્ડમાં આવેલી પાણીની પાઈપલાઈન તુટી ગઈ હતી.જેના લીધે રસ્તા પર પાણીની રેલમછેલ બોલી હતી,જેનાથી રાહદારીઓ અને વાહનચાલકોને ભારે મુશ્કેલીનો સામનો કરવો પડી રહ્યો છે.આ પાઈપલાઈનના સમારકામ  માટે પાલિકાએ કોઈ કાર્યવાહી કરી નથી.તે અંગે રાણાવાવના જાગૃત નાગરિક અને લેખક ભરત બાપોદરાએ પાલિકાના સભ્યને રજુઆત કરતા ટુંક સમયમાં આ સમસ્યાનું નિરાકરણ કરવામાં આવશે તેમ જણાવ્યું છે.