આંધ્રપ્રદેશના પશ્ચિમ ગોદાવરી જિલ્લામાંથી એક ચોંકાવનારી ઘટના સામે આવી છે. અહીં એક મહિલા પાસે પાર્સલ આવ્યું, જેને જોઈને તે ચોંકી ગઈ. મહિલાને મળેલા પાર્સલમાં મૃતદેહ રાખવામાં આવ્યો હતો. એટલું જ નહીં, ડેડબોડી સાથે એક પત્ર પણ હતો, જેમાં ૧.૩ કરોડ પિયાની માંગ કરવામાં આવી હતી. આ ઘટના બાદ મહિલા અને તેનો આખો પરિવાર ડરી ગયો અને પોલીસને જાણ કરી.
ઘટના અંગે માહિતી આપતાં પોલીસ અધિક્ષક અદનાન નઈમ આસ્મીએ જણાવ્યું કે આ પાર્સલ ગુવારે રાત્રે ચાર જણના પરિવારને મળ્યું હતું, જેમાં એક પત્ર પણ રાખવામાં આવ્યો હતો. આ પત્રમાં પરિવાર પાસેથી ૧ કરોડ ૩૦ લાખ પિયાની ખંડણી માંગવામાં આવી હતી. એસપીએ જણાવ્યું કે આ પાર્સલ બુધવારે રાત્રે એક નિર્માણાધીન બિલ્ડીંગ પાસે પહોંચાડવામાં આવ્યું હતું. તેમણે કહ્યું કે પોલીસ આ મામલે વધુ માહિતી મેળવવા માટે તપાસ કરી રહી છે.
પોલીસે એમ પણ કહ્યું કે આ પાર્સલ કોઈ એમ્બ્યુલન્સ કે કાર દ્રારા નહીં પરંતુ ઓટોરિક્ષા દ્રારા પહોંચાડવામાં આવ્યું હતું. હવે પોલીસ એ જાણવાનો પ્રયાસ કરી રહી છે કે આ પાર્સલ કોણે અને કયાંથી મોકલ્યું હતું. હાલમાં પોલીસને આ અંગે કોઈ સુરાગ મળી શકયો નથી. આસપાસના લોકોને આ અનોખા પાર્સલની જાણ થતાં જ તેઓ તેને જોવા માટે ત્યાં પહોંચી ગયા હતા અને મોટી સંખ્યામાં લોકો ત્યાં એકઠા થઈ ગયા હતા