​​​​​​​વિશ્વના વિવિધ દેશોમાં જુદી-જુદી રહેણીકરણી હોય છે અને બધાની વેશભૂષા પણ તદ્દન જુદી-જુદી. બધાના કપડાં સંપૂર્ણપણે અલગ છે. પરંતુ આજે જીન્સએ મોટાભાગના દેશોમાં પહેરવામાં આવે છે. પરંતુ શું જાણો છો કે એક એવો દેશ છે જ્યાં જીન્સ પહેરવા પર પ્રતિબંધ છે. હા, આ દેશના લોકો જીન્સ પહેરી શકતા નથી, જો કોઈ વ્યક્તિ જીન્સ પહેરે તો પણ તેની સામે કાયદાકીય કાર્યવાહી થઈ શકે છે.

આજે  જીન્સને આખી દુનિયામાં સામાન્ય કપડાં તરીકે જોવામાં આવે છે. વિશ્વના ઘણા દેશોમાં સ્ત્રી અને પુરૂષ બંને જીન્સ પહેરવાનું પસંદ કરે છે. જીન્સની ખાસિયત એ છે કે તે ગરીબથી લઈને અમીર સુધી અને તમામ ઉંમરના લોકોમાં લોકપ્રિય છે. તો જીન્સ કયા દેશમાં પ્રતિબંધિત છે?

જીન્સ પર પ્રતિબંધ

ઉત્તર કોરિયામાં જીન્સ પહેરવા પર પ્રતિબંધ છે. રિપોર્ટ અનુસાર ઉત્તર કોરિયામાં બ્લુ જીન્સ પર પ્રતિબંધ છે. ઉત્તર કોરિયામાં તમામ પ્રકારના જીન્સ પર પ્રતિબંધ છે. આટલું જ નહીં ઉત્તર કોરિયામાં લોકો જીન્સ પહેરી શકતા નથી અને જો પહેરે તો  જીન્સ પહેરવા પર સજા પણ છે. ઉત્તર કોરિયામાં બ્લુ જીન્સને અમેરિકન સામ્રાજ્યવાદનું પ્રતીક માનવામાં આવે છે. જ્યારે અમેરિકાને આ દેશનો કટ્ટર દુશ્મન માનવામાં આવે છે. આ જ કારણ છે કે ઉત્તર કોરિયામાં જીન્સ પર પ્રતિબંધ છે.

ઉત્તર કોરિયાએ 2009માં સ્વીડનમાં જીન્સની નિકાસ કરવાની યોજના બનાવી હતી. જેથી ત્યાંના પબ ડિપાર્ટમેન્ટ સ્ટોર્સ તેને નોકો બ્રાન્ડના નામથી વેચી શકે. પરંતુ સમગ્ર વિશ્વમાં તેનો એટલો વિરોધ થયો કે આ નિર્ણય પાછો ખેંચવો પડ્યો. એક હકીકત એ પણ છે કે ઉત્તર કોરિયામાં જીન્સ બનાવવાની છૂટ છે, પરંતુ તેને પહેરવાની મંજૂરી નથી. ઉત્તર કોરિયામાં કોઈ જીન્સ પહેરતું નથી. જેઓ જીન્સ પહેરે છે તેમની સામે કાનૂની કાર્યવાહી થાય છે અને તેનો સામાજિક બહિષ્કાર કરવામાં આવે છે.