ખંભાળિયા નગરપાલિકા દ્વારા શહેરમાં નગરજનોને એકાંતરા પાણી વિતરણ કરવામાં આવે છે. વર્ષોથી ચાલી આવતી આ સિસ્ટમમાં કોઈ વધુ હાલાકી ન સર્જાય તે હેતુથી તેમજ હાલ ઉનાળાના દિવસોમાં પાણી વિતરણ વ્યવસ્થા સાબૂત બની રહે તે માટે નગરપાલિકાના ચીફ ઓફિસર ભરતકુમાર વ્યાસના માર્ગદર્શન હેઠળ નગરપાલિકાના ઈજનેર એન.આર. નંદાણીયા તેમજ તેમની ટીમ દ્વારા ઘી ડેમ વિસ્તારમાં રહેલા ફિલ્ટર પ્લાન્ટને ગઈકાલે રવિવારે સંપૂર્ણ રીતે સાફ-સફાઈ કરી અને પંપિંગ મશીનરીમાં રીપેરીંગ કરવાની કામગીરી કરવામાં આવી હતી.

ઘી ડેમ સ્થિત 40 હોર્સ પાવર તેમજ 55 હોર્સ પાવરની મોટરનું રીપેરીંગ કામ કરવા ઉપરાંત 30 લાખ લિટર અને 20 લાખ લીટરના કુલ બે સમ્પની પણ સાફ-સફાઈ કરવામાં આવી હતી. જેથી આગામી દિવસોમાં શહેર માટે પાણી વિતરણ વ્યવસ્થા સાબૂત બની રહે.