ઉત્તરાખંડના કેબિનેટ મંત્રી પ્રેમચંદ અગ્રવાલનો વીડિયો સોશિયલ મીડિયા પર વાયરલ થયો છે. જેમાં તેઓ અને તેમના સુરક્ષાકર્મીઓ એક વ્યક્તિને માર મારતા જોવા મળે છે, તે રાજ્યમાં નાણા અને સંસદીય બાબતોના મંત્રાલયનો હવાલો સંભાળતા અગ્રવાલનો આ વીડિયો જોઈને લોકો આશ્ચર્યચકિત થઈ ગયા છે અને સ્થાનિક લોકોએ મંત્રી વિરુદ્ધ કાર્યવાહીની માંગ કરી છે. આ મામલો ઋષિકેશનો કહેવામાં આવી રહ્યો છે, જ્યાં મંત્રીએ એક વ્યક્તિને માર માર્યો હતો. જો કે, મંત્રી પ્રેમચંદ અગ્રવાલે સ્પષ્ટતા કરતા જણાવ્યું હતું  કે, માર મારનાર વ્યક્તિએ તેમની સાથે દુર્વ્યવહાર કર્યો હતો અને મંત્રી પર હુમલો કર્યો હતો અને તેમનો કુર્તો ફાડી નાખ્યો હતો. માર મારનાર વ્યક્તિની ઓળખ સુરેન્દ્ર સિંહ નેગી તરીકે થઈ છે

उत्तराखंड के कैबिनेट मंत्री प्रेमचंद अग्रवाल और उनके सुरक्षाकर्मी का ऋषिकेश में एक शख्स की पिटाई करते हुए वीडियो सामने आया। ये वीडियो सोशल मीडिया पर तेजी से वायरल हो रहा है। #premchandaggarwal pic.twitter.com/rCNgrUAKND

— Rituraj Tripathi (@riturajfbd) May 3, 2023

સુરેન્દ્ર સિંહ નેગીએ ફેસબુક પર પોસ્ટ કરેલા તેના વીડિયોમાં મંત્રી અને તેના સ્ટાફ પર કોઈપણ ઉશ્કેરણી વિના તેના પર હુમલો કરવાનો આરોપ લગાવ્યો હતો. નેગીએ આક્ષેપ કર્યો હતો કે મંત્રી અને તેના માણસો દ્વારા તેની સાથે દુર્વ્યવહાર અને હુમલો કેમ કરવામાં આવ્યો તે તે સમજી શક્યા નથી. નેગીએ કહ્યું, “અમે ટ્રાફિક જામમાં ફસાયા હતા અને હું તેની કારમાં કોણ છે તે જાણ્યા વિના પસાર થયો. તેણે મારી સાથે દુર્વ્યવહાર કર્યો અને જ્યારે મેં વિરોધ કર્યો ત્યારે તે અને તેના માણસો તેમની કારમાંથી નીચે ઉતર્યા અને મને માર મારવા લાગ્યા.

કેબિનેટ મંત્રી પ્રેમચંદ અગ્રવાલે આ સમગ્ર ઘટના પર કહ્યું કે સુરેન્દ્ર સિંહ નેગી નામના વ્યક્તિએ તેની સાથે દુર્વ્યવહાર કરવા ઉપરાંત તેના પર હુમલો કર્યો અને તેનો કુર્તો ફાડી નાખ્યો. નેગીએ પોતાના સુરક્ષાકર્મીઓનો યુનિફોર્મ પણ ફાડી નાખ્યો હતો. આ કારણોસર તેને માર મારવામાં આવ્યો હતો. મંત્રીએ કહ્યું કે આ મામલે એફઆઈઆર પણ દાખલ કરવામાં આવશે કારણ કે તે સરકારી તંત્ર પર હુમલો છે.