ભારતીય મહિલા કુસ્તીબાજ વિનેશ ફોગાટે પેરિસ ઓલિમ્પિકમાં સિલ્વર મેડલ ન જીતવાનું દુ:ખ તેના ઈન્સ્ટાગ્રામ એકાઉન્ટ દ્વારા શેર કર્યું છે. વિનેશ ફોગાટે મેચમાં રડતી પોતાનો ફોટો શેર કર્યો હતો જેમાં બેકગ્રાઉન્ડમાં બી પ્રાકનું ગીત વાગી રહ્યું હતું. બોલિવૂડ અભિનેત્રી હુમા કુરેશીએ વિનેશ ફોગાટની પોસ્ટ પર પ્રતિક્રિયા આપીને ચાહકોનું દિલ જીતી લીધું છે. જાણો હુમાએ શું ટિપ્પણી કરી.

ભારતની સ્ટાર મહિલા રેસલર વિનેશ ફોગટનું દર્દ આખો દેશ સમજી રહ્યો છે. વિનેશ ફોગાટને પેરિસ ઓલિમ્પિક 2024માં 50 કિગ્રા ફ્રી સ્ટાઇલ કુસ્તી સ્પર્ધાના અંતિમ મુકાબલો પહેલા ગેરલાયક ઠેરવવામાં આવી હતી. અંતિમ મુકાબલાના દિવસે વિનેશ ફોગાટનું વજન 100 ગ્રામ વધુ હોવાનું જાણવા મળ્યું હતું.

વિનેશ ફોગાટે સિલ્વર મેડલ મેળવવા માટે કોર્ટ ઓફ આર્બિટ્રેશન ફોર સ્પોર્ટ્સમાં પણ અપીલ કરી હતી, પરંતુ બુધવારે તેની અપીલ ફગાવી દેવામાં આવી હતી. આ નિર્ણય બાદ વિનેશ ફોગટ સહિત ભારતીય ચાહકોને ફરી એકવાર મોટો ઝટકો લાગ્યો છે.

વિનેશની પોસ્ટ થઈ વાયરલ
વિનેશ ફોગાટે ગુરુવારે ઈન્સ્ટાગ્રામ પર એક પોસ્ટ કરીને ઓલિમ્પિક 2024માં સિલ્વર મેડલ ન મળવાનું દુ:ખ શેર કર્યું હતું. વિનેશ ફોગાટે એક ફોટો પોસ્ટ કર્યો છે, જેમાં તે મેટ પર પોતાની આંખો પર હાથ રાખીને આંસુ છુપાવી રહી છે. આમાં બેકગ્રાઉન્ડમાં બી પ્રાકનું ગીત વાગી રહ્યું છે. ગીતના શબ્દો સૂચવે છે કે તમામ સખત મહેનત કરવા છતાં વિનેશને તેની અપેક્ષા મુજબનું પરિણામ મળ્યું નથી.