મહારાષ્ટ્રના કોલ્હાપુરનો એક CCTV વીડિયો સામે આવ્યો છે જેમાં એક ઓટો ડ્રાઈવર એક મહિલાને રસ્તા પર ખેંચી રહ્યો છે. પ્રાપ્ત જાણકારી મુજબ ઓટો ડ્રાઈવરનો મહિલા સાથે ભાડાને લઈને વિવાદ થયો હતો.વીડિયો સામે આવતાની સાથે જ કોલ્હાપુર પોલીસે ઘટનાની તપાસ શરૂ કરી છે.

आधी रिक्षावाल्यासोबत वाद मग महिलेला नेलं फरफटत, अपघाताचा थरार सीसीटीव्हीत कैद#kolhapur #accident #VideoViral pic.twitter.com/h0YsBjsWzF

— Ankita Shantinath Khane (@KhaneAnkita) July 7, 2023

ઘટના કોલ્હાપુરના રાજારામપુરીની છે. અહી ઓટો ચાલકે એક મહિલાને લગભગ 200 મીટર સુધી રોડ પર ખેંચી હતી. મહિલા ગંભીર રીતે ઘાયલ છે. રાજારામપુરી પોલીસ સ્ટેશનના પોલીસ ઈન્સ્પેક્ટર અનિલ તાનપુરેના જણાવ્યા અનુસાર, મહિલાના પતિ વચ્ચે ભાડાને લઈને વિવાદ થયો હતો. બંને વચ્ચે બોલાચાલી થતાં મહિલા પણ ઝઘડામાં કૂદી પડી હતી. આ દરમિયાન ડ્રાઈવરે અચાનક ઓટો ચાલુ કરી અને મહિલાની સાડી ઓટોના પાછળના બમ્પરમાં ફસાઈ ગઈ.

ઘટના બાદ ઓટો ચાલક ફરાર થઈ ગયો હતો

ઓટો ચાલક ઘટનાને અંજામ આપીને ફરાર થઈ ગયો છે. સીસીટીવી ફૂટેજમાં દેખાઈ રહ્યું છે કે રોડ પરથી એક ઓટો આવી રહી છે. તે જ સમયે ઓટોની પાછળ એક મહિલા ફસાઈ ગઈ છે. ઓટો મહિલાને ઘસેડીને લઇ જાય છે તેવું જોવા મળે છે. આ દરમિયાન રસ્તામાં એક યુવકે ઓટો રોકવાનો પ્રયાસ કર્યો, પરંતુ ઓટો ચાલક તેનું વાહન રોકતો નથી. તે ઝડપથી આગળ વધે છે.

આરોપી ઓટો ચાલકની વહેલી તકે ધરપકડ કરવામાં આવશે

​​​​​​​

પોલીસ ઓટો ચાલકની ઓળખ કરવામાં વ્યસ્ત છે. નજીકમાં લાગેલા અન્ય સીસીટીવી કેમેરાના ફૂટેજ પણ સ્કેન કરવામાં આવ્યા છે. ટૂંક સમયમાં આરોપી ઓટો ડ્રાઈવર પોલીસ કસ્ટડીમાં હશે. પોલીસ અધિકારીઓએ કહ્યું છે કે ટૂંક સમયમાં મહિલા અને તેના પતિનું નિવેદન લેવામાં આવશે.