ભાજપના નેતા સુબ્રહ્મણ્યમ સ્વામીએ એક અરજી દાખલ કરીને પ્રસ્તાવનામાં બંધારણીય સુધારા દ્રારા ઉમેરવામાં આવેલા બિનસાંપ્રદાયિક અને સમાજવાદ શબ્દોને કાઢી નાખવાની અદાલતમાં વિનંતી કરી છે જેના અનુસંધાને સોમવારે સુપ્રીમ કોર્ટ પોતાનો ચુકાદો આપશે.
સુપ્રીમ કોર્ટે શુક્રવારે કહ્યું કે બંધારણના ૪૨મા સુધારાને લઈને ઘણી ન્યાયિક સમીક્ષા કરવામાં આવી છે, જે ૧૯૭૬માં કરવામાં આવી હતી. કટોકટી દરમિયાન સંસદે જે પણ કામ કયુ તે અમાન્ય છે એવું આપણે કહી શકીએ નહીં. આ ટિપ્પણી કરીને, કોર્ટે બંધારણની પ્રસ્તાવનામાંથી 'સમાજવાદી' અને 'સેકયુલર' જેવા શબ્દોને દૂર કરવાની માંગ કરતી અરજીને મોટી બેંચને સોંપવાનો ઇનકાર કર્યેા હતો.
તેમણે કહ્યું કે આ કેસનો ચુકાદો સોમવારે સંભળાવવામાં આવશે. ચીફ જસ્ટિસ સંજીવ ખન્ના અને જસ્ટિસ સંજય કુમારની બેન્ચે સુનાવણી બાદ નિર્ણય સુરક્ષિત રાખ્યો છે. ચીફ જસ્ટિસ ખન્નાએ કહ્યું કે ભારતીય સંદર્ભમાં સમાજવાદીનો અર્થ કલ્યાણકારી રાય છે. ભાજપના નેતા સુબ્રમણ્યમ સ્વામીએ એક અરજી દાખલ કરીને પ્રસ્તાવનામાં બંધારણીય સુધારા દ્રારા ઉમેરવામાં આવેલા ધર્મનિરપેક્ષ અને સમાજવાદ શબ્દોને કાઢી નાખવાની વિનંતી કરી છે. એડવોકેટ વિષ્ણુશંકર જૈન અને અન્યોએ પણ અરજી કરી છે