રાજકોટ શહેરમાં નવરાત્રીના પાવન પર્વ દરમિયાન તા.3 ઓક્ટોબરથી થી તા.12 ઓક્ટોબર દશેરા પર્વ સુધીમાં કુલ રૂ.58 કરોડ 78 લાખ 13 હજાર 130ની કિંમતના 2966 વાહનો વેંચાયા છે અને તેના વ્હીકલ ટેક્સ પેટે રાજકોટ મહાનગરપાલિકાને કુલ રૂ.1 કરોડ 16 લાખ 8 હજાર 098ની માતબર આવક થયાનું મ્યુનિસિપલ ટેક્સ બ્રાન્ચના અધિકારી વર્તુળોએ જણાવ્યું હતું. વિશેષમાં રાજકોટ મહાપાલિકાના અધિકારી સૂત્રોએ જણાવ્યું હતું કે રાજકોટ શહેરમાં જ વેંચાણ થયું હોય અને વાહન ખરીદનાર ગ્રાહકનું રેસિડેન્સ એડ્રેસ રાજકોટ શહેરનું હોય તો જ તેના ઉપર રાજકોટ મહાપાલિકા દ્વારા મ્યુનિસિપલ વ્હીકલ ટેક્સ વસુલવામાં આવે છે.  રાજકોટ શહેરમાં થયેલા વાહન વેંચાણમાં મુખ્યત્વે 302 કાર અને 2,486 ટુ વ્હીલરનો સમાવેશ થાય છે. કારના વેંચાણમાં 133 સીએનજી કાર, 141 પેટ્રોલ કાર, 29 ડીઝલ કાર તેમજ અન્ય એક કારનું વેંચાણ થયું છે, પ્રથમ વખત પેટ્રોલ કાર અને સીએનજી કારનું વેંચાણ લગોલગ પહોંચ્યું છે.  ટુ વ્હીલરમાં 25 ઈગૠ અને 2461 પેટ્રોલ ટુ વ્હીલરનું વેંચાણ થયું છે.

તા.3 થી 12 ઓક્ટોબર 2024 સુધીનું વાહન વેચાણ
વાહન પ્રકાર    ફ્યુઅલ    સંખ્યા
ટુ વ્હીલર     સીએનજી     25
ટુ વ્હીલર     પેટ્રોલ     2461
થ્રી વ્હીલર     પેસેન્જર સીએનજી     120
થ્રી વ્હીલર     પેસેન્જર ડિઝલ     9
થ્રી વ્હીલર     પેસેન્જર પેટ્રોલ     1
ફોર વ્હીલર એલસીવી     સીએનજી     20
ફોર વ્હીલર એલસીવી     ડીઝલ     18
ફોર વ્હીલર એલસીવી     પેટ્રોલ     1
ફોર વ્હીલર કાર     સીએનજી     133
ફોર વ્હીલર કાર     ડીઝલ     29
ફોર વ્હીલર કાર     અન્ય     1
ફોર વ્હીલર કાર     પેટ્રોલ     141
ફોર વ્હીલર એચસીવી     સીએનજી     1
ફોર વ્હીલર એચસીવી     ડીઝલ     6
કુલ વેચાણ        2966
વાહન કિંમત ા. 58 કરોડ 78 લાખ 13 હજાર 130
મ્યુનિસિપલ વાહન વેરા આવક ા.1,16,08,098