ગુજરાત રાજયના પોલીસ વડા વિકાસ સહાય આજે રાજકોટ આવ્યા હતા. તેમના આગમન પુર્વે જ બપોરના સમયે સીપી કચેરીમાંથી પોલીસ કર્મચારીઓના જ વાહનો ટોઈંગ વાન ટો કરી ગઈ હતી. એવું કહેવાયું છે કે, અધિકારીઓ આવતા હોવાથી સીપી કચેરી તથા ત્યાંનું પાકગ સાહેબોની ગાડીઓ પાર્ક કરાવવા ખાલી કરાવવાનું છે. સાહેબોની કાર માટે નાના કર્મચારીઓના ટુ વ્હીલર્સ ટો કરી જવાતા આવા કર્મચારીઓને કઠણાઈ થઈ પડી હતી.

સીપી કચેરી ખાતે આજે ડીજીપીની સૌરાષ્ટ્ર્રભરના રેંજ આઈજી, એસપી સાથે કોન્ફરન્સ આયોજીત કરાઈ હતી. ડીજીપી સહાય પ્રથમ સરકીટ હાઉસ પહોંચ્યા હતા. સીપી કચેરીએ અન્ય અધિકારીઓ પણ આવવાના હોવાથી તેમની સરકારી કાર્સ પાર્ક કરાવવા માટે સીપી ઓફિસનું રૂકવાળુ રેગ્યુલર પાકગ ખાલી કરાવાયું હતું. પાકગ સ્ટેન્ડમાં છાયામાં પડેલા પોલીસ કર્મચારીઓના ટુ વ્હીલર્સ વાહનો તો જેઓ હાજર હતા તેમણે ફટાફટ લઈ લીધા હતા.
જયારે કેટલાક કર્મચારીઓને તો ખ્યાલ ન હતો અથવા તો તેમના કે અન્યોના ટુ વ્હીલર્સ પાકગમાં પડયા હતા તેવા વાહનો ટ્રાફીક શાખાની ટોઈંગ વાન દ્રારા ટો કરી જવાયા હતા. સીપી કચેરીમાં જ પોલીસના વાહનો ઉઠાવી જવાતા કર્મચારીઓને આવા તાપમાં પોતાના વાહનો છોડાવવા દોડવું પડયું હતંુ