પોરબંદરની આશા ચેરીટેબલ ટ્રસ્ટ દ્વારા પવિત્ર શ્રાવણ માસમાં અનેકવિધ ધાર્મિક કાર્યક્રમો કરવામાં આવ્યા હતા.
પોરબંદરની આશા ચેરીટેબલ ટ્રસ્ટ દ્વારા પવિત્ર શ્રાવણ માસમાં અનેકવિધ ધાર્મિક કાર્યક્રમો કરવામાં આવ્યા હતા.જેમાંના પવિત્ર એકાદશી નિમિત્તે શ્રીનાથજીની હવેલીમાં ધ્વજારોહણ કરેલું હતુ જેમાં પોરબંદરના નગરપાલિકાના  પ્રમુખ ડો.ચેતનાબેન તિવારી તેમજ મીતાબેન થાનકીએ હાજરી આપી હતી તેમજ મોક્ષપુરી દ્વારકામાં સમુહ બ્રહ્મ ભોજન અને વિષ્ણુ નામાવલીના પાઠનું આયોજન કરવામાં આવ્યું હતું જે હેતલબેન થાનકીના માતૃશ્રી સ્વ. દુર્ગાબેન નરેન્દ્રભાઈ થાનકીને શ્રદ્ધાંજલિ આપવા માટે આ કાર્યક્રમ રાખ્યો હતો.એક પેડ માં કે નામમાં પાંચ ઔષધીઓ વૃક્ષનું વૃક્ષારોપણ પણ કર્યું હતું. શ્રાવણ માસના ત્રીજા સોમવારે તેમજ રક્ષાબંધન નિમિત્તે ભુતનાથ મહાદેવના મંદિરે દીપમાળા શિવપુજન તેમજ ભાવિકોને ફરાળનું આયોજન કર્યું હતુ,શીતળા સાતમના દિવસે શીતળા માતાજીના મંદિરે ધ્વજારોહણ તેમજ જન્માષ્ટમીના દિવસે જલારામ મંદિર પાસે આવેલી શ્રીનાથજીની હવેલીમાં વૈશાલીબેન મનોજભાઈ ઓડેદરાના જન્મદિવસ નિમિત્તે ધ્વજારોહણ તેમજ ઈન્દ્રેશ્વર પાસે આવેલી ગૌશાળામાં ગાયો માટે લીલું નાખ્યું હતું સાતમ આઠમના તહેવાર નિમિત્તે દાતાઓના સહયોગથી ૨૧ પરિવારને મીઠાઈ ફરસાણ તેમજ રાશનકીટનું વિતરણ કર્યું હતું.આ સમગ્ર આયોજન જ્યોતિબેન આસોડિયા તેમજ હેતલબેન થાનકીએ કર્યું હતુ.તેમજ એકાદશી નિમિત્તે ગાયો માટે લાપસી મનોરથ જરૂરીયાતમંદ માટે વસ્ત્રદાન તેમજ ફરાળનું વિતરણ કરવામાં આવ્યું હતું. ઈન્દ્રેશ્ર્વર મહાદેવની ગૌશાળામાં લાપસી તેમજ લીલું પક્ષીઓને ચણનું સેવાકાર્ય કરવામાં આવ્યું હતું.આ આયોજનમાં હેતલબેન થાનકી જ્યોતિબેન આસોડિયા તેમજ કૃપાબેન સવજાણી વિહાનભાઈ સવજાણી હાજર રહ્યા હતા.