દ્વારકા પાસે આવેલ બરડીયા ખાતે શ્રી ગુસાઇજીની બેઠકમાં શ્રી ગુસાઇજીના 510માં પ્રાગટય પ્રસંગે બરડીયા બેઠક ખાતે પ.પૂ.ગો.108 શ્રી કાલિન્દ્ર વૈકુંઠજી શ્રી નટવર ગોપાલજી મહારાજ (દ્વારકા, બરડીયા, વેરાવળ, કંપાલા) વાળાના અઘ્યક્ષમાં જલેબી ઉત્સવ તથા અન્નકૂટ, પ્રસાદ સહિતનાં ઉત્સવો વહેલી સવારથી સાંજ સુધી ઉજવવામાં આવ્યા હતા. આ સાથે જ નાના બાળકો દ્વારા વિવિધ સાંસ્કૃતિક કાર્યક્રમો રજુ કરવામાં આવ્યા હતા. સાથે કિર્તન મંડળી દ્વારા કિર્તન કરવામાં આવ્યા હતા. દેવભૂમિ દ્વારકા અને જામનગર બન્ને જિલ્લામાંથી મોટી સંખ્યામાં વૈષ્ણવ ભાઇ બહેનો આવ્યા હતા. અને વિવિધ પ્રસંગો ચરણસ્પર્શ, દંડવત, વચનામૃત સહિતનાં પ્રસંગોમાં વૈષ્ણવોએ લાભ લીધો હતો.