બિગ બોસ ઓટીટી 3માં દર અઠવાડિયે એક કે બે સ્પર્ધકોની સફર પૂરી થાય છે. અત્યાર સુધી ચાર સ્પર્ધકોએ શોને બાય-બાય કહ્યું છે. જેમાં પાયલ મલિક, પૌલામી દાસ, નીરજ ગોયત અને મુનિષા ખટવાણીના નામ સામેલ છે. હવે શોમાંથી બહાર થનાર આગામી સ્પર્ધકનું નામ પણ સામે આવ્યું છે. આ વખતે ચંદ્રિકા ગેરા દીક્ષિત બહાર થઈ ગઈ હતી. દિલ્હીની વડાપાવ ગર્લ તરીકે પ્રખ્યાત ચંદ્રિકાને બિગ બોસ ઓટીટી 3ની મજબૂત સ્પર્ધક માનવામાં આવતી હતી. શોમાં તે ઘણીવાર વિશાલ પાંડે સાથે ઝઘડા કરતી જોવા મળી હતી.
આ વખતે, ચંદ્રિકા સિવાય, નોમિનેટેડ સ્પર્ધકોમાં અરમાન મલિક, વિશાલ પાંડે, શિવાની કુમારી અને લવકેશ કટારિયા હતા. વડા પાવ ગર્લ શોમાંથી બહાર થઈ ગઈ છે અને આ સાથે જ તે પોતાની સાથે કેટલી રકમ લઈ ગઈ છે તેની માહિતી પણ સામે આવી છે. રિપોર્ટ અનુસાર, દર અઠવાડિયે ચંદ્રિકા શોમાંથી લગભગ 70 હજાર રૂપિયાની કમાણી કરતી હતી. એ મુજબ તેણીએ 2.10 લાખ રૂપિયા સુધીની રકમ મળી છે.
અગાઉ, ચંદ્રિકાએ બિગ બોસ ઓટીટી 3ના પ્રારંભિક એપિસોડમાં વડાપાવના વ્યવસાયમાંથી તેણીની એક દિવસની કમાણી જાહેર કરી હતી. તેણે કહ્યું હતું કે તે રોજના 40 હજાર રૂપિયા કમાય છે. આ સાંભળીને પરિવારના સભ્યો પણ આશ્ચર્યચકિત થઈ ગયા.