વકફ બિલ અંગે રચાયેલી સંસદની સંયુકત સમિતિની આજે બેઠક યોજાઈ હતી. બેઠકમાં ટીએમસી સાંસદ કલ્યાણ બેનર્જી અને ભાજપના સાંસદ નિશિકાંત દુબે વચ્ચે ઉગ્ર દલીલ થઈ હતી. આ પછી બેઠક થોડા સમય માટે મુલતવી રાખવામાં આવી હતી.
એવું કહેવામાં આવી રહ્યું છે કે કલ્યાણ બેનર્જીએ પૂછયું કે આટલી ઉતાવળમાં બેઠક કેમ બોલાવવામાં આવી છે. નિશિકાંત દુબેએ આ અંગે વાંધો ઉઠાવ્યો. આ પછી બંને નેતાઓ વચ્ચે ઉગ્ર દલીલ થઈ. વિવાદ વધ્યા બાદ ૧૦ વિપક્ષી સાંસદોને સમિતિમાંથી એક દિવસ માટે સસ્પેન્ડ કરવામાં આવ્યા છે. બેઠક ૨૭ જાન્યુઆરી સુધી મુલતવી રાખવામાં આવી હતી.
પ્રા માહિતી અનુસાર, કાશ્મીરના ધાર્મિક વડા મીરવાઇઝ ઉમર ફાક આજે વકફ સુધારા બિલ પર સંસદીય સમિતિ સમક્ષ હાજર થશે અને ડ્રાટ બિલ સામે પોતાનો વાંધો વ્યકત કરશે.
ભાજપના નેતા જગદંબિકા પાલના નેતૃત્વ હેઠળની વકફ સુધારા બિલ પરની સંયુકત સમિતિએ વિપક્ષી નેતાઓ દ્રારા વ્યકત કરાયેલા વાંધાને પગલે ડ્રાટ કાયદા પરની ચર્ચા આગામી અઠવાડિયા સુધી મુલતવી રાખી છે. સમિતિ સોમવારે બિલ પર વિગતવાર વિચારણા કરશે. મીરવાઇઝ ઉપરાંત, સમિતિ આજે લોયર્સ ફોર જસ્ટિસ જૂથના મંતવ્યો પણ સાંભળશે.
બીજી તરફ યુડીએફ સાંસદ ફ્રાન્સિસ યોર્જ, જેમણે વકફ (સુધારા) બિલ ૨૦૨૪ માટે પોતાનો ટેકો જાહેર કર્યેા હતો, તેમણે ગઈકાલે પોતાના નિવેદનથી પીછેહઠ કરી. તેમણે કહ્યું કે તેમના નિવેદનનો ખોટો અર્થ કાઢવામાં આવ્યો છે. અગાઉ તેમણે કહ્યું હતું કે એક જનપ્રતિનિધિ અને રાજકીય પક્ષના પ્રતિનિધિ તરીકે તેઓ નવા બિલને સમર્થન આપશે. લોકસભામાં કોટ્ટાયમના સાંસદ યોર્જે કહ્યું કે તેમણે કયારેય કહ્યું નથી કે તેઓ વકફ સુધારા બિલને સમર્થન આપશે. તેમણે સ્પષ્ટ્રતા કરી કે તેમનો વલણ યુડીએફ અને કોંગ્રેસ જેવો જ છે. જેમણે કેરળ વિધાનસભામાં વકફ કાયદામાં સુધારો કરવાના કેન્દ્રના નિર્ણય વિદ્ધ ઠરાવને સમર્થન આપ્યું હતું.