પોરબંદર શહેરના જુદા-જુદા વિસ્તારો ગંદકીથી  ખદબદી રહ્યા છે ત્યારે બહારથી આવતા પ્રવાસીઓ પણ પોરબંદરવાસીઓની અને પોરબંદર નગરપાલિકાની કદર કરી જાય છે,ત્યારે સુદામામંદિર બહાર અસહ્ય ગંદકી  હોવાથી રજુઆત થઈ છે.
તાજેતરમાં સોશિયલ મીડિયામાં પોરબંદરમાં ખદબદી રહેલી ગંદકી અંગેનો એક વિડીયો વાયરલ થયો છે જેમાં બહારથી આવતા પ્રવાસીઓ ગાંધીના ગામની નગરપાલિકાને  અને ગાંધીના ગામમાં વસતા લોકોને ખરી ખોટી સંભળાવતા નજરે ચડે છે.ત્યારે સુદામા મંદિર જેવા યાત્રાધામની બહાર અસહ્ય ગંદકી જોવા મળી રહી છે. પોરબંદરના આ પવિત્ર યાત્રાધામની દીવાલ પાસે જ લઘુસંકાની ગંદકી વહી રહી છે જેના કારણે અહીંથી પસાર થતા પ્રવાસીઓને નાકે રૂમાલ બાંધવો પડે તેવી પરિસ્થિતિનું નિર્માણ થયું છે.પોરબંદર નગરપાલિકાનું સેનિટેશન વિભાગ અને તેના સત્તાધિશો અવારનવાર જુદા જુદા વિસ્તારમાં સાફ- સફાઈ કરાવે છે અને તેનો ફોટોસેશન પણ કરે છે ત્યારે હવે આ આગેવાનોએ અને અધિકારીઓએ સુદામામંદિર કમ્પાઉન્ડ અને તેની બહાર યુદ્ધના ધોરણે મહાસફાઈ અભિયાન હાથ જરૂર જરૂરી બન્યું છે.અગાઉના જિલ્લા કલેકટર કે.ડી. લાખાણીએ સુદામા મંદિરની મુલાકાત લીધી ત્યારે મહા સફાઈ અભિયાન હાથ ધરાવ્યું હતું ફરીને હવે એવા જ સફાઈ અભિયાનની અહીંયા જરૂરીયાત જણાઈ રહી છે માટે પોરબંદર નગરપાલિકાનું સેનિટેશન વિભાગ અહીંયા વ્યવસ્થિત સાફ સફાઈ કરાવે તે જ‚રી બન્યું છે.