આજે સેનાના જવાનોએ કાશ્મીરના બારામુલ્લાના હથલંગા, ઉરી વિસ્તારમાં બે આતંકીને ઠાર કયર્િ છે. જ્યારે બેથી વધુ આતંકીઓની શોધખોળ ચાલુ છે. સવારે આ વિસ્તારમાં 3 આતંકવાદીઓ જોવા મળ્યા બાદ આર્મી-પોલીસે સંયુક્ત ઓપરેશન શરૂ કર્યું હતું. આ દરમિયાન આતંકીઓએ ગોળીબાર કર્યો હતો. સુરક્ષા દળોએ જવાબી કાર્યવાહી કરી હતી.અહેવાલો અનુસાર, આ એ જ વિસ્તાર છે જ્યાં સુરક્ષા દળોએ ડિસેમ્બર 2022માં એક મોટા આતંકવાદી ઠેકાણાનો પદર્ફિાશ કર્યો હતો. ત્યારબાદ એક ગુફામાંથી હથિયારોનો જથ્થો મળી આવ્યો હતો. છેલ્લા 6 દિવસમાં આ ત્રીજુ એન્કાઉન્ટર છે. 11 સપ્ટેમ્બરે રાજૌરીમાં 2 આતંકવાદીઓ માયર્િ ગયા હતા અને 1 જવાન શહીદ થયો હતો. 13 સપ્ટેમ્બરે અનંતનાગના કોકરનામાં 4 જવાનો શહીદ થયા હતા, જયારે આજે ઉરીના બારામુલ્લામાં સેનાએ એન્કાઉનટરમાં 2ને ઠાર માયર્િ છે, હવે 2 આતંકીઓની શોધ ચાલી રહી છે.


જમ્મુ અને કાશ્મીર પોલીસે સોશિયલ મીડિયા સાઇટ એક્સ પર જણાવ્યું હતું કે સેના અને પોલીસ કર્મચારીઓએ એક આતંકવાદીને ઠાર કર્યો છે. આતંકવાદીઓની ગતિવિધિઓ પર આકાશમાંથી પણ નજર રાખવામાં આવી રહી છે. અનંતનાગના પહાડી વિસ્તારોના જંગલોમાં છુપાયેલા આતંકવાદીઓને શોધવા માટે હેલિકોપ્ટર અને ડ્રોન કેમેરાની મદદ લેવામાં આવી રહી છે.પોલીસના જણાવ્યા અનુસાર, અનંતનાગના પહાડી વિસ્તારમાં છુપાયેલા આતંકવાદીઓ ઊંચાઈથી ફાયરિંગ કરી રહ્યા છે.હવે પેરા કમાન્ડોને બોલાવવામાં આવ્યા છે. આતંકવાદીઓ ખૂબ ઊંચાઈ પર હોવાને કારણે તેમના ચોક્કસ સ્થાનની ખાતરી થઈ શકતી નથી અને તેઓ સતત તેમનું સ્થાન બદલી રહ્યા છે.આતંકવાદીઓ ઉંચાઈ પર હોવાના કારણે તેઓ ઓપરેશન દરમિયાન સેના અને પોલીસ અધિકારીઓને નિશાન બનાવવામાં સફળ રહ્યા હતા.

વર્ષની શઆતથી અત્યાર સુધીમાં કાશ્મીરમાં 40 આતંકવાદીઓ ઠાર મરાયા
કાશ્મીરમાં છેલ્લા ત્રણ વર્ષમાં આ સૌથી મોટો હુમલો છે, જેમાં આટલા વરિષ્ઠ અધિકારીઓ શહીદ થયા છે. અગાઉ, 30 માર્ચ, 202 ના રોજ, કાશ્મીરના હંદવાડામાં 18 કલાકના હુમલામાં કર્નલ, મેજર અને સબ-ઇન્સ્પેક્ટર સહિત પાંચ અધિકારીઓ શહીદ થયા હતા. આ વર્ષે જાન્યુઆરીથી અત્યાર સુધીમાં જમ્મુ-કાશ્મીરમાં 40 આતંકવાદીઓ માયર્િ ગયા છે. જેમાંથી માત્ર 8 સ્થાનિક હતા અને બાકીના તમામ વિદેશી હતા.