શહેરમાં લુખ્ખા અને અસામાજિક તત્વોને પોલીસ કે કાયદાનો લેશમાત્ર ડર ન હોય તેમ છેલ્લા કેટલાક સમયથી બેફામ બન્યા છે. અને મારામારી, હુમલા તેમજ ધમકી આપવા સહિતની ઘટનાઓની સંખ્યામાં વધારો થઈ રહ્યો છે. આવી જ એક વધુ ઘટના શહેરના હાદાનગર વિસ્તારમાં બની હતી જેમાં એક પ્રોવિઝન સ્ટોરમાં વેફર સહિતની વસ્તુઓ કેરી ગાડી માંથી ઉતારી રહેલા યુવાનને કારમાં આવેલા બે શખ્સોએ તારી ગાડી આઘી કેમ ન લીધી તેમ કહીં તલવાર અને છરી સાથે યુવાન અને તેના શેઠ પાછળ દોડી કેરી વાહન પર તલવાર તેમજ છરીના ઘા કરી તોડીફોડ કરી ધમકી આપી નાસી છૂટ્યા હતા. હાદાનગર વિસ્તારમાં બનેલી 
ઘટના અંગે શહેર  ના તળાજા જકાતનાકા નજીક ભાગ્યોદય સોસાયટીના પ્લોટ નંબર ૧૯૨૦)માં રહેતા અને મારુતિ  નામની કંપનીમાં નોકરી કરતા મહેશભાઈ દિલીપભાઈ ગોહિલ(ઉ. વ. ૩૫)એ બોરતળાવ પોલીસ મથકમાં એવી ફરિયાદ નોંધાવી હતી કે પોતે કંપનીની કેરી ગાડી નંબર જી. જે. ૦૪આર ડબ્લ્યુ ૩૮૮૯લઈ હાદાનગર, સત્યનારાયણ સોસાયટી-૧માં આવેલ એક પ્રોવિઝનની દુકાને વેફર ઉતારી રહ્યો હતો ત્યારે આજ વિસ્તારમાં રહેતો સમીર ઉર્ફે શાંભો અને તેનો ભાણો ફેઝલે કારમાં આવી હાથમાં તલવાર અને છરી રાખી કારનો હોર્ન માર્યો છતાં તે કેમ તારી ગાડી આઘી કેમ ન લીધી તેમ કહી ગાળો બોલી તલવાર અને છરી સાથે પોતાને મારવા માટે પાછળ દોડ્યા હતા પરંતુ પોતે ભાગી જઈ પોતાના શેઠ મુકેશભાઈ માવાણીને બોલાવી કેરી ગાડી નજીક જતાં બન્નેએ કેરી ગાડીમાં તોડફોડ કરી નુકશાન કર્યાનું જણાયું હતું. દરમ્યાન બન્ને શખ્સોએ ફરીથી તલવાર અને છરી લઈ આવી પોતાના શેઠ મુકેશભાઈ પાછળ દોડી લોકો ભેગા થઈ જતાં બન્ને ધમકી આપી નાસી છૂટ્યા હતા.
મહેશભાઈએ નોંધાવેલી ફરિયાદના આધારે બોરતળાવ પોલીસે બન્ને શખ્સો સામે ગિનો નોંધી તપાસ હાથ ધરી હતી.