ભાવનગર શહેરના આરટીઓ રોડ પરથી જાહેરમાં ઓનલાઇન ક્રિકેટ મેચ પર આઇડી બનાવી સોદાઓ પડી જુગાર રમી રમાડતા બે શખ્સોને નીલમબાગ પોલીસે ઝડપી લીધા હતા. હાલ ચાલી રહેલી ક્રિકેટ મેચ પર મોબાઈલ પર ઓનલાઇન જુગાર રમતડા મહુવાના બન્ને શખ્સો પાસેથી બે મોબાઈલ સહીત રૂપિયા ૪૦ હજારનો મુદ્દામાલ કબજે કરાયો હતો. અને બન્ને શખ્સો સામે ગુનો નોંધી કાર્યવાહી હાથ ધરી હતી.

આ બનાવ અંગે પ્રાપ્ત વિગતો અનુસાર નીલમબાગ પોલીસે ઓનલાઇન ક્રિકેટ મેચ પર આઇડી બનાવી જુગાર રમી રમાડતા બે શખ્સોને ઝડપી પાડ્યા હતા. નીલમબાગ પોલીસ મથકની ટીમ પોતાના પોસ્ટે વિસ્તારના પેટ્રોલિંગમાં હતા. તે દરમિયાન જવેલ્સ સર્કલ પાસે પહોંચતા ખાનગી રહે મળેલી બાતમીના આધારે આરટીઓ રોડ પર બે શખ્સો મોબાઈલમાં શંકાસ્પદ પ્રવૃત્તિ કરતા હોવાની માહિતી મળી હતી. જે બાતમીના આધારે આરટીઓ રોડ પર ઉભેલા નટુભાઈ જોધાભાઈ બારૈયા (ઉ.વ.૩૭, રહે.પ્લોટ નંબર ૧૪, ભારતનગર,મહુવા) અને હરદીપસિંહ રાજેન્દ્રસિંહ જાડેજા (ઉ.વ.૨૯, રહે.વિજયરાજનગર,વીંટીનગર,મહુવા) વાળા મળી હાજર મળી આવ્યા હતા. જેઓ પાસે રહેલા મોબાઈલમાં તપાસ કરાતા મોબાઈલમાં હાલ ચાલી રહેલી ક્રિકેટ મેચ પર ઓનલાઇન આઇડી બનાવી અને જુગાર રમી રમાડતા હોય જે અંગે નીલમબાગ પોલીસે બન્ને શખ્સોને બે મોબાઈલ કિંમત રૂપિયા ૪૦૦૦૦ અને રોકડ સહીત રૂપિયા ૪૦,૪૦૦ ના મુદ્દામાલ સાથે ઝડપી લીધા હતા. અને બન્ને શાખાઓ સામે જુગારધારા કલમ હેઠળ ગુનો દાખલ કરી ધોરણસરની કાર્યવાહી હાથ ધરી હતી.