શહેરના મોરબી રોડ પર અડધો કલાકના અંતરમાં બનેલી અકસ્માતની બે ઘટનામાં બે વૃધ્ધ મોતને ભેટયા હતાં.વેલનાથપરા પાસે ટ્રકે સાઇકલ સવાર ઉત્સવ સોસાયટીમાં રહેતા વૃધ્ધને ઠોકરે લેતા તેમનું મોત થયું હતું.જયારે અન્ય બનાવમાં જુના મોરબી રોડ પર કારખાનામાં ટ્રક રિવર્સ લેતી વેળાએ હડફેટે ચડી જતા ગંભીર રીતે ઘવાયેલા તામિલનાડુના વૃધ્ધનું મોત થયું હતું.પોલીસે બંને અકસ્માત અંગે ગુનો નોંધી ચાલકોને ઝડપી લઇ કાયદેસરની કાર્યવાહી કરી હતી.
અકસ્માતના આ બનાવની જાણવા મળતી વિગતો મુજબ, મોરબી રોડ ઉપર જકાતનાકા પાસે આવેલી ઉત્સવ સોસાયટીમાં રહેતા કેશુભાઈ ખોડાભાઈ ભેસાણીયા (ઉ.વ 60) નામના વૃદ્ધ ગઇકાલે બપોરના ત્રણ વાગ્યા આસપાસ સાયકલ લઈને વેલનાથપરાની સામે રેલ્વે બ્રિજ પાસેથી પસાર થઈ રહ્યા હતા,ત્યારે પાછળથી ધસી આવેલા ડમ્પર ચાલકે સાયકલ સવારને ઠોકરે લેતા વૃધ્ધ સાયકલ સહિત ફંગોળાયા હતા અને વૃધ્ધ ઉપર ટ્રકનું વ્હીલ ફરી વળતા વૃધ્ધનું ઘટનાસ્થળે જ કમકમાટીભર્યું મોત નીપજ્યું હતું.ઘટનાની જાણ થતાં વૃધ્ધના પરિવારજનો તાકીદે હોસ્પિટલ દોડી ગયા હતાં.બીજી તરફ બનાવને લઇ બી ડિવિઝન પોલીસના સ્ટાફે પણ પહોંચી જઇ જરૂરી કાર્યવાહી કરી હતી.
અકસ્માતમાં મોતને ભેટનાર વૃધ્ધ ત્રણ ભાઈમાં વચેટ હતા.વૃધ્ધ ઘર નજીક આવેલા પેટ્રોલ પંપમાં નોકરી કરતા હતા. બપોરના સમયે ઘરે જમવા આવ્યા હતા અને જમીને સાયકલ લઇ પરત નોકરી ઉપર જતા હતા ત્યારે ઓવરલોડ ડમ્પર કાળ બનીને ત્રાટક્યો હોવાનું જાણવા મળ્યું છે.વૃધ્ધના મોતથી બે પુત્રો અને પુત્રીએ પિતાની છત્રછાયા ગૂમાવી છે. આ બનાવ અંગે બી ડિવિઝન પોલીસે વૃધ્ધના પુત્ર અશોક કેશુભાઇ ભેસાણીયાની ફરિયાદ પરથી ડમ્પર ચાલક જીજે 3 બીડબલ્યુ 8422 ના ચાલક મોહન લીમસિંહ માવી સામે ગુનો નોંધી તેને ઝડપી લઇ કાયદેરસની કાર્યવાહી કરી હતી.બનાવ અંગે વધુ તપાસ પીએસઆઇ એમ.આઇ.શેખ ચલાવી રહ્યા છે.
જ્યારે અકસ્માતના અન્ય બનાવમાં શહેરના જુના મોરબી રોડ પર આવેલા રાજેશ ઓઈલ ઇન્ડસ્ટ્રીઝમાં રહેતા અને કામ કરતા મુરગનભાઈ પરવનાદન નાખર(ઉ.વ 63) વૃદ્ધ અહીં કારખાને હતા ત્યારે બોયલર વિભાગ સામે ટ્રક નં. જીજે-03-યુ-4492વાળું બેફિકરાઈથી રિવર્સ લેતી વેળાએ વૃદ્ધને હડફેટે લેતા ગંભીર રીતે ઘવાયેલાં વૃદ્ધનું મોત થયું હતું. પોલીસની પ્રાથમિક તપાસમાં મૃતક રાજેશ ઓઇલ મિલ કારખાનામાં મજૂરી કામ કરતા અને મૂળ તમિલનાડુના વતની છે.મૃતકના પુત્ર સેલ્વેકુમાર મુરગનભાઈ નાખર દ્વાર આ અંગે ફરિયાદ નોંધાવવામાં આવતા પોલીસે ટ્રક ચાલક કાનજી સોમાભાઇ જાડા વિરુધ્ધ ગુનો નોંધી તેની ધરપકડ કરી હતી.બંને બનાવની તપાસ પીએસઆઇ એમ.આઇ.શેખ ચલાવી રહ્યા છે.
લાઈક અને ફોલો કરો અમારું ફેસબુક પેજ FACEBOOK - AAJKAALDAILY
ફોલો કરો અમારું ઇન્સ્ટાગ્રામ INSTAGRAM - AAJKAALDAILY
સબસ્ક્રાઈબ કરો અમારી યૂ ટ્યૂબ ચેનલ YOUTUBE - AAJKAALDAILY
મહત્વના સમાચારો આપના મોબાઇલમા મેળવવા માટે જોડાઓ અમારા વોટ્સએપ ગ્રૂપમાં 99251 12230
View News On Applicationદ્વારકા બરડીયા નજીક ટ્રાવેલ્સ અને બે કાર વચ્ચે અકસ્માત, 3 થી 4 લોકોના મોત થયાની આશંકા
September 28, 2024 09:01 PMઅમેરિકામાં 'હેલેન' વાવાઝોડાએ તબાહી મચાવી, એક મહિનાના જોડિયા બાળકો સહિત 44ના મોત
September 28, 2024 08:42 PMBCCIની બેઠકમાં IPL પર લેવાશે મોટો નિર્ણય, અધ્યક્ષ સહિત આ 3 પદો પર નિર્ણય!
September 28, 2024 08:38 PMરાજકોટ: મંદિરના પૂજારીને માર મારતો હોવાનો વિડીયો થયો વાયરલ, સમગ્ર ઘટના થઈ સીસીટીવીમાં કેદ
September 28, 2024 07:01 PMCopyright © 2023-2024 Aajkaal Daily
Developed by Rhythm Infotech