દસ દિવસથી નવસારીમાં અટકી પડેલા નૈઋત્યના ચોમાસામાં ગઈકાલ બપોરથી સળવળાટ જોવા મળ્યો છે. આજે અને આવતીકાલે બે દિવસ માટે ગુજરાતમાં અનેક જગ્યાએ હળવાથી મધ્યમ વરસાદની અને તારીખ 23 ના રોજ ભારે વરસાદની આગાહી હવામાન ખાતા દ્વારા કરવામાં આવી છે.
હવામાન ખાતાની જણાવ્યા મુજબ વડોદરા સુરત નવસારી વલસાડ તાપી દમણ અમદાવાદ આણંદ પંચમહાલ જુનાગઢ અમરેલી ભાવનગર ગીર સોમનાથ અને દીવમાં આગામી બે દિવસ માટે હળવાથી મધ્યમાં વરસાદની શક્યતા છે અને તારીખ 23 ના રોજ દક્ષિણ ગુજરાતમાં વલસાડ દમણ દાદરા નગર હવેલી સહિતના વિસ્તારોમાં ભારે વરસાદની શક્યતા છે.
હવામાન ખાતાના જણાવ્યા મુજબ અટકી ગયેલું ચોમાસું ધીમે ધીમે આગળ વધે તેવું લાગે છે. આગામી ત્રણ દિવસમાં અરબી સમુદ્રના ઉત્તર તરફના ભાગમાં તે છવાઈ જશે. આ ઉપરાંત ગુજરાત પશ્ચિમ બંગાળ ઉત્તર પ્રદેશ મહારાષ્ટ્ર મધ્યપ્રદેશ ઓડીસા અને બંગાળની ખાડીના નોર્થ વેસ્ટ ભાગમાં નૈઋત્યનું ચોમાસુ પહોંચી જશે.
દરમિયાનમાં આજે સવારે છ વાગ્યે પુરા થતા 24 કલાક દરમિયાન નવસારી જિલ્લાના કપરાડા અને ખેડા જિલ્લાના નડિયાદમાં દોઢ ઇંચ વરસાદ થયો છે. નવસારીના જલાલપુરમાં અડઘો ઈંચ સુરતના ચોયર્સિી અને વલસાડ જિલ્લાના ઉમરગામમાં પોણો ઇંચ વરસાદ થયો છે.
સૌરાષ્ટ્ર સહિત ગુજરાતના દરિયાકાંઠાના વિસ્તારોમાં આજે સવારે પણ વાતાવરણમાં ભેજનું પ્રમાણ વધુ રહ્યું છે.
ભાવનગરમાં 70 ભુજમાં 71 દીવમાં 71 દ્વારકામાં 88 કંડલામાં 75 નલિયામાં 78 ઓખામાં 80 પોરબંદરમાં 74 સુરતમાં 76 અને વેરાવળમાં 84% ભેજ નોંધાયો છે.