કલ્યાણપુર તાલુકાના ભાટિયા ગામે રહેતા માલદેભાઈ નાગાજણભાઈ ઓડેદરા નામના મેર પ્રૌઢને હૃદયરોગનો હુમલો આવી જતા ભાટિયાથી વધુ સારવાર અર્થે કલ્યાણપુરની સરકારી હોસ્પિટલમાં ખસેડવામાં આવ્યા હતા. જ્યાં ફરજ પરના તબીબોએ તેમને મૃત્યુ પામેલા જાહેર કર્યા હતા.

અન્ય એક બનાવમાં ઓખાના ગાંધીનગરી વિસ્તારમાં રહેતા અને પીજીવીસીએલમાં નોકરી કરતા પેથાભાઈ પબાભાઈ શીરૂકા નામના 56 વર્ષના પ્રૌઢને ગત તા. 13 ના રોજ રાત્રિના સમયે હૃદયરોગનો હુમલો આવી જતા તેમને મીઠાપુરની ટાટા હોસ્પિટલમાં સારવાર માટે દાખલ કરવામાં આવ્યા હતા. જ્યાં તેમણે અંતિમ શ્વાસ લીધા હતા.