અમેરિકાના રાષ્ટ્ર્રપતિ ડોનાલ્ડ ટ્રમ્પે એક નવી કંપની દ્રારા આર્ટિફિશિયલ ઇન્ટેલિજન્સ (એઆઈ) ઇન્ફ્રાસ્ટ્રકચરમાં ૫૦૦ બિલિયન ડોલરના રોકાણની જાહેરાત કરી છે. તેનું આયોજન ઓરેકલ, સોટબેંક અને ઓપન એઆઈ સાથે ભાગીદારીમાં કરવામાં આવી રહ્યું છે. એવું માનવામાં આવે છે કે આ આઈટી ક્ષેત્રનો અત્યાર સુધીનો સૌથી મોટો પ્રોજેકટ હશે.
'સ્ટારગેટ' નામનું આ સાહસ યુએસ ડેટા સેન્ટરોમાં ટેકનોલોજી કંપનીઓ દ્રારા નોંધપાત્ર રોકાણ કરશે. ત્રણેય કંપનીઓ આ સાહસ માટે નાણાકીય સહાય પૂરી પાડવાની યોજના ધરાવે છે. અન્ય રોકાણકારો પણ તેમાં રોકાણ કરી શકશે. તેની શઆત ટેકસાસમાં બની રહેલા ૧૦ ડેટા સેન્ટરોથી થશે.
ટ્રમ્પે ગઈકાલે વ્હાઇટ હાઉસ ખાતે ઓરેકલના ચીફ ટેકનોલોજી ઓફિસર લેરી એલિસન, સોટબેંકના ચીફ એકિઝકયુટિવ ઓફિસર (સીઈઓ) માસાયોશી સન અને ઓપન એઆઈના સીઈઓ સેમ ઓલ્ટમેન સાથે એક પ્રેસ કોન્ફરન્સમાં આ જાહેરાત કરી હતી.
ટ્રમ્પે કહ્યું કે તે નામ તમારા પુસ્તકોમાં લખો કારણ કે મને લાગે છે કે તમે ભવિષ્યમાં તેના વિશે ઘણું સાંભળશો. એક નવી અમેરિકન કંપની જે અમેરિકામાં એઆઇ ઈન્ફ્રાસ્ટ્રકચરમાં યુએસ ૫૦૦ બિલિયન ડોલરનું રોકાણ કરશે અને ઝડપી ગતિએ વિકાસ કરશે અને તેનાથી તરત જ ૧૦૦,૦૦૦ થી વધુ અમેરિકન નોકરીઓનું સર્જન થશે. વધુમાં ટ્રમ્પે જણાવ્યું કે સ્ટારગેટ એઆઇ આગામી પેઢીના વિકાસને સક્ષમ બનાવવા માટે જરી ભૌતિક અને વચ્ર્યુઅલ માળખાગત સુવિધાઓ બનાવવા માટે તાત્કાલિક કામ શ કરશે.
સ્ટારગેટ એક નવી કંપની છે જેનો ઉદ્દેશ્ય એડવાન્સ્ડ એઆઈ માટે જરી ઈન્ફ્રાસ્ટ્રકચર વિકસાવવાનો છે. આમાં ડેટા સેન્ટરો અને પાવર જનરેશન સુવિધાઓનું નિર્માણ શામેલ છે, જે ઝડપથી વિકસતા એઆઇ લેન્ડસ્કેપને શકિત આપવા માટે મહત્વપૂર્ણ છે. આમાં પ્રારંભિક રોકાણ ૧૦૦ બિલિયન ડોલર હશે, જેને વધારીને ૫૦૦ બિલિયન ડોલર કરી શકાય છે. આ પ્રોજેકટ ટેકસાસમાં કેન્દ્રિત છે, યાં પહેલા ૧૦ ડેટા સેન્ટરોનું બાંધકામ શ થઈ ગયું છે.
સ્ટારગેટ પ્રોજેકટ ત્રણ દિગ્ગજો સાથે ભાગીદારીમાં ચલાવવામાં આવશે. જેમાં માસાયોશી સોન, સોટબેંકના સ્થાપક, સેમ ઓલ્ટમેન, ઓપનએઆઈના સીઈઓ અને લેરી એલિસન, ઓરેકલના ચેરમેન સામેલ છે.
પ્રોજેકટની જાહેરાત દરમિયાન, ત્રણેય અનુભવીઓએ સ્ટારગેટને શકય બનાવવાનો શ્રેય ટ્રમ્પને આપ્યો. જોકે, આ પ્રોજેકટ ૨૦૨૪ માં બાઈડેન વહીવટ દરમિયાન શ કરવામાં આવ્યો હતો. ઓપનએઆઈના સીઈઓ ઓલ્ટમેને જણાવ્યું કે આ પ્રોજેકટ આ યુગનો સૌથી મહત્વપૂર્ણ પ્રોજેકટ હશે.
ડોનાલ્ડ ટ્રમ્પના નજીકના સહાયક અને તેમના વહીવટ હેઠળ ડોજને સંભાળતા એલોન મસ્કને હાલમાં એઆઇ–સંબંધિત પ્રોજેકટ સ્ટારગેટથી દૂર રાખવામાં આવ્યા છે.