જામનગર જીલ્લા પોલીસવડા પ્રેમસુખ ડેલુની સુચનાથી ડીવાયએસપી જયવીરસિંહ ઝાલા તથા ટ્રાફિક શાખાના પીઆઇ એમ.બી. ગજજરના માર્ગદર્શન મુજબ ખંભાળીયા ટી સર્કલ પાસે જુદી જુદી ટીમો બનાવીને ખાસ કરીને બ્લેક ફીલ્મ (કાળા કાંચ) લગાવેલ વાહનોને રોકીને આ બાબતે કાર્યવાહી હાથ ધરવામાં આવી હતી દરમ્યાનમાં 100થી વધુ ફોરવ્હીલના કાળા કાંચ ઉતારવામાં આવ્યા હતા, બ્લેક ફીલ્મો દૂર કરીને આ અંગે કેસ કરવામાં આવ્યા હતા તેમજ ટ્રાફિક નિયમનની કામગીરી કરીને પિયુષી, રોન્ગસાઇડ, ડ્રાઇવીંગ લાયસન્સ વીના, મોબાઇલથી વાત, નંબર પ્લેટ વગર જેવા કેસો પણ કરાયા હતા. ટ્રાફિક પોલીસ દ્વારા વધુમાં વધુ કેસો કરી કુલ સમાધાન શુલ્ક દંડ 1.00.400 વસુલ કરાયો હતો. ટ્રાફિક શાખા દ્વારા અગાઉ પણ ડાર્ક ફીલ્મો દુર કરાઇ હતી અને આ ઝુંબેશ અવીરત ચાલુ રાખવામાં આવી છે.